إشــــــــــاعـــــــــــــات

[لبيه يا الفتك]

السلام عليكم ورحمة الله وبركاتة

انا هذه الفترة اسمع اشاعات وايد والله مادري اذا كانت صدق ولا كذب
.
.
.
اول شي سمعت عن البيبسي يقولون يستفيدون من اموالها لين اسرائيل .
ثاني شي سمعت ان الكنتاكي حرام عشان يذبحوهم ذبح مب حلال .
ثالث شي سمعت ان المالكدنرز بعد حرام عشان البطاطس يوم يستوردوه
مجمد وعلي مادة حافظه (زيت خنزير ) وامسات وحده ماكله وهي ويعيالها
وجبة من عندهم طلع ليها راس دجاجة نيي .
ورابع شي سمعت ان كم نوع من الشامبو يساعد على نمو الشعر وكثر نموة
يؤدي الى تلفة ويسبب الصلع بسبب احتوائه على مادة غير معروفة .
:gfdsgrte:
احترت ترانـــي

[المخمري]

والله ما اعرف شو اقلك اخوي في اشياء صح وأشياء غلط سالفت الكنتاكي هذذا معروف مدير الكنتاكي صرح انهم يصعقون الدجاج اول شي بعدين يقطعو
وسالفة الشامبو بالفعل في انواع تسبب تساقط الشعر بسبب المواد الكيماويه
لكن اهم شي انك يوم بتسمع الخبر ابحث عن المصدر وراح تعرف الصج من الجذب


ويسلمو على ها الطرح
وتقبل مرووري

[غريبه هالدنيا]

والله الاشاعات هالاياام ما تخلص

وبالاحرى صارت الدنيا بدون اشاعات مب حلوه .

والله رح اي مكان اقعد اي مكان بتسمع اشااعات واايد..

جي مب اقولكم هالدنيا غريبه هع..:eh_s(1):

لا تستغرب اذا قالوا ان لبيه يالفتك صار شيخ الامارات هااع اقولك الاشااعات ماتخلص ..

تسلم خيوووه ع الطرح وعسى ربي لاهانك..:ax:

ونتريا النيو من جداامك..:bt:

[A.D.M.I.R.A.L]

بالنسبه لبيبيسي هي شركه عريقه ..أقدم من اسرائيل الحالية .. بعض العلماء المسلمين يحاولوا

مقاطعة المنتجات الأمريكية بأي وسيلة [الغاية تبرر الوسيلة]..ومن هذا المنطلق طلعوا اشاعات وما

تلاحظوا ان الاشاعات بس على المنتجات الأمريكية!!...عن غيرها من المنتجات .. وبعض رجال الدين

اللي ينصحونا بعدم الكذب يناقضوا نفسهم يوم يشيعوا خبر عن منتج غير صحيح ... وهذا ما نهانا عنه

النبي صلى الله عليه وسلم [قطع الاعناق ولا قطع الارزاق]..وفي صور نشرت لهندي على أساس

يسوي بيبسي بس الصور مغلوطه لان في رحلة لمركز ناشئة كلباء قمنا بها لزيارة مصنع بيبسكو

في دبي كانت قمة في النظافه يخلوك حتى تتمنى يكونوا العرب بمثل نظافتهم..

وبالنسبه للكنتاكي لو تراجعوا معاي ان الشركات الغربيه المختصه بالوجبات السريعه تسوي وجباتها

على حسب الريجيون او المنطقه اللي فيها .. وحتى في وجبات عندنا مب عندهم وعندهم مب عندنا

وهذا من تقديرهم للمستهلك وعزما منهم لارضائهم .. وللعلم جميع منتجات أمريكانا ذبح إسلامي

خصوصا في الدول العربيه .. واللي يشتغلوا بمصانعهم العربيه هم أساسا عرب مسلمين ..

وبالنسبه للشامبو المذكور .. راجع جريدة الإمارات اليوم في اعدادها السابقه وذكروا هالشامبو

اللي يسبب التساقط والصلع والسرطان .. وكلها للأسف من دول [مسلمه]..

الحديث عن الاشاعات ضد الشركات الامريكيه ما بتخلص ..

[● شَـــآمــخْ ●]

انا عن نفسي ما اكل شي او اشرب شي


من إصدار امريكا

يمفي انهم الداعمين الاساسيين لليهوود و إسرائيل

و مثل ما يقوولو انه اسرائيل دلوعة امريكا و هذا الكلام صحيح

و على طاري الاشاااعة

صااارت هاليومين اسرع من البرق

ثواني و كل البلاد عرفوو بالسالفة

و اللي يطلعونها ناس إيمانهم ضعيف

ف يلجؤون الى المحضوووور


تلسم يا عمووور عالموضووع الحلوو

[kinder_l!ve]

أحب أعطي فكرة بسيطة الشركات العالمية هنا وأنا أقصد في دول الخليج والدول العربية ليست بكيانها موجودة فعليا وإنما هناك رجال أعمال مقدرين يقومون بشراء الإسم التجاري ويدفع للشركة الأم أول مرة ثم بعد ذلك لا يدفع شي وهوا المسئول الأول والأخير في حالة الربح أو الخسارة ..

يعني بالعربي كل جالس يصير من مقاطعه كلام فاضي ..

[ayoom]

الاشاعات زادة هالايام

بشكل محد يتخيله

و الصراحة مب بس انته اللي احترت ،، الكل محتااار

كل يوم يطلون لنا شي و يقولون و الله هذا يسبب السرطان ( بسم الله علينا )

بس الواحد يتوكل ع الله و ما عليه من حد

تسلم اخووي

[kinder_l!ve]

بالنسبه لبيبيسي هي شركه عريقه ..أقدم من اسرائيل الحالية .. بعض العلماء المسلمين يحاولوا

مقاطعة المنتجات الأمريكية بأي وسيلة [الغاية تبرر الوسيلة]..ومن هذا المنطلق طلعوا اشاعات وما

تلاحظوا ان الاشاعات بس على المنتجات الأمريكية!!...عن غيرها من المنتجات .. وبعض رجال الدين

اللي ينصحونا بعدم الكذب يناقضوا نفسهم يوم يشيعوا خبر عن منتج غير صحيح ... وهذا ما نهانا عنه

النبي صلى الله عليه وسلم [قطع الاعناق ولا قطع الارزاق]..وفي صور نشرت لهندي على أساس

يسوي بيبسي بس الصور مغلوطه لان في رحلة لمركز ناشئة كلباء قمنا بها لزيارة مصنع بيبسكو

في دبي كانت قمة في النظافه يخلوك حتى تتمنى يكونوا العرب بمثل نظافتهم..

وبالنسبه للكنتاكي لو تراجعوا معاي ان الشركات الغربيه المختصه بالوجبات السريعه تسوي وجباتها

على حسب الريجيون او المنطقه اللي فيها .. وحتى في وجبات عندنا مب عندهم وعندهم مب عندنا

وهذا من تقديرهم للمستهلك وعزما منهم لارضائهم .. وللعلم جميع منتجات أمريكانا ذبح إسلامي

خصوصا في الدول العربيه .. واللي يشتغلوا بمصانعهم العربيه هم أساسا عرب مسلمين ..

وبالنسبه للشامبو المذكور .. راجع جريدة الإمارات اليوم في اعدادها السابقه وذكروا هالشامبو

اللي يسبب التساقط والصلع والسرطان .. وكلها للأسف من دول [مسلمه]..

الحديث عن الاشاعات ضد الشركات الامريكيه ما بتخلص ..


يا عيني عليك والله رده في محله .......

جبتها في الصميم يا صاحبي ....

بالنسبة لي أنا مسكر أذني على هالكلام الفارغ ...

إلي لا يودي ولا يجيب ... بس لمصالح شخصية ...

الله أعلم لمين !!!

[ذبحهم غروري]

والله بنعيش وبنشوف ...,,

وإذا كان في شي يضر اهل البلاد جان الحكومة منعت هالشيء من زمان ...,,

والحمد لله على كل شيء ...,,

[قلبي (A♥♥ )]

الله يعلم مانعرف شو يسون اسرائيل و اذا كان الكنتاكي و غيره مذبوح بالحرام و لا حلال
و الله وايد اشاعات أسمعها صح و لا غلط
يسلمو ع طرح

[فديت بلادي (2)]

شباب نصيحة مني طنشوا الاشاعات لين ما تتأكدوا انها صح وبعدين شوفوا اللازم:h035:

[شيطونهـ طشونهـ]

سوه اللي تباه و ما عليك من حد ,,

يقصوون عليك ,,

ما خلو شي ما حرموه ,,

عيش حياتك بكيفك ,,

و يسلموو ع لطرح ,,

[●. دَمْــ’عِ آليتـآمـے .●]

الاشــآعـآت مول ماتخلص


وانا عن نفسي ما اصدق شي وطـآـآف :ha:


المسلمين يطلعون اشاعات عن الكفـآر واليهود والعكس .,


ومـآـآدري لين وين بنوصل :bad:


واعتقد لوو في الاشيا الي ذكرتها شي مب زيين او اييب المرض

ماكاانت البلاااد يابته !


يعني فكرو فيها


بيبسي مثلا فييه شي مب زيين .! الدوله بتييبه بهالكميااات ؟


ماعتقد .,


.

شكرآآآ ع الطرح

[فديت بلادي (2)]

:bad::bad::bad:هالاشياء احسها كذب والله اعلم

[ثعـ ـ ـعلووبة البــ ـ ـدو]

ثاني شي سمعت ان الكنتاكي حرام عشان يذبحوهم ذبح مب حلال .
اناا هذا الي سمعته صح صدقوووونيي لانة انااا قبل شفت فيديووو الله لا يراوييكم
تعررفوون يووم يوون يذبحوون الدياااااي كييف

يفروووونة ع الارض ويضربونه ع اليدااار والله حرااااام


بحاول اييييب الفيديووو