المساعد الشخصي الرقمي

مشاهدة النسخة كاملة : حبيـٿـگ ●• ۈ گآنـٿ غلطﻬ ۈ ﻶ ٿـنـعآد

صدى الشوق
03-14-2009, 06:31 PM
آلڛـلآم عليڪــم

آحمـ آحمـ هذيــے آلقصــﮧ مڼـ ٺــأليفيــے . .

حبيـٿـگ ●• ۈ گآنـٿ غلطﻬ ۈ ﻶ ٿـنـعآد

.
هذه القصة لمخاطبة المشاعر , و إثراء البصائر , و لكنني أردت أن تكون هذه القصة فيض مشاعر , و نفثات خاطر , و قصتي .. في رحلة طويلة , شداة الكلمة , و رواد الفكرة , و أعلام المعرفة , فيها نبحر معاً في زورق الإبداع عبر قصتي ..
.
عائلة بو راشد
" بو راشد " ريال معروف بين الناس بالكرم و الطيبة و عنده معرض سيارات . " أم راشد " إنسانه حنونه و طيبه يعني بالمختصر إذا انحطت على الجرح يبرى . " روضة " قمة في الأدب و الأخلاق و الجمال عمرها 23 سنه فالجامعة آخر سنة تدرس فالأردن . " راشد " بطل من أبطال القصة 19 سنة إنسان مغرور و متكبر ما يفكر إلا بنفسه يدرس فـ أمريكا . " ريم " بطلة من أبطال القصة اجتماعيه تعتبر دلوعة أبوها و هي ألحين بأول ثانوي .
.
عائلة بو محمد
" بو محمد " أخو بو راشد و نفس صفاته تقريباً و هو اللي ماسك الشركة بعد أبوه بما أن بو راشد أخوه الكبير عطاه الشركة برضاه . " أم محمد " أم ما شي أحسن عنها بالطيبة . " محمد " اللي عمره 19 سنه .. إنسان هادئ و لكنه مب اجتماعي يعني ما يحب يختلط بالناس يدرس فـ أمريكا و يا راشد ولد عمه . " مايد " اللي عمره 16 سنة ما يخصه في الدراسة يموت في الصيد و الزراعة و التخميس (( التفحيط )) على باله من زمان أول . " ميرة " بطلة من أبطال القصة بنت فالـ 15 من عمرها و تدرس في صف أول ثانوي حياتها كلها نت × منتديات × مسن إنسانه حساسة لأبعد الحدود و حلوة و اللي يميزها بشرتها الحنطية و عيونها السود الوساع و خشمها السيف و شفايفها المليانه وايد طيبه و حبوبه و تدخل القلب من أول نظرة بس المشكلة في اللي ما يقدرها !! هيه البنت الوحيدة بين أخوانه .
.
عائلة بو خليفة
" بو خليفة " متوفي من سنتين الله يرحمه . " أم خليفة " مسيطره على عيالها بعد وفاة ريلها و هي أخت بو راشد و بو محمد و ساكنه فالشارجة . " خليفة " بعد وفاة أبوه مسك البيت مع تحمله المسؤوليه بس كل شي فوق راسه و هو بعده صغيره و عمره 19 يدرس فجامعة الامارات هندسه بترول " خالد " 17 سنه ثانويه عامه شاطر بس مغازلجي درجة أولى و لو ما خليفة واقف على راسه و لا ما بيعرف كيف يصرف حياته . " خلود " 14 سنه بنت في قمة الأنوثه و الدلال تحب أخوانها لدرجة لو قالوا لها تعق عمرها في النار ما بتتردد .
.
و الشخصيات الباقيه بتتعرفون عليها فالقصه
.
.
.
البـآرت الأول
.
.
.
اليوم الجمعة .. و عائلة أبو راشد و أبو محمد متيمعين على الغدا
روضة : راشد بليييز طلبتك .. اريد اروح السوق
راشد : لا اليوم سمحيلي معزوم عند الشباب بنروح البر .. محمد لا تنسى بعد صلاة العصر بنظهر
محمد : خلاااص تم
روضة : كيف يعني ما شي روحه ع السوق .. و الله محتايه اغراض للجامعة ضروري
محمد : ترا عنج ليسن و عندج سيارة روحي روحج
روضة : تستهبل حضرتك .. صح ان عندي ليسن و عندي سيارة و اعتقد انك تعرف ان السيارة فالأردن
محمد : يعني انتي فالأردن تسوقين
روضة : احياناً !
راشد : صح .!! [ و يصد صوب أبوه ] مثل ما روضة تدرس فالأردن و عندها سيارة بعد انا ولدكم الوحيد ادرس فأمريكا و احتاج لسيارة
محمد : هي نعم انا وياك يا ولد العم .. و الله عيب رياييل شو كبرنا نركب باص مب السكن للكلية من السكن للنادي ....
بو محمد : انزين خلاص فهمنا .. الأجانب جي عندهم تركبون باصات .. ما فيها شي .. حمدوا ربكم انكم تركبون باص و لا غيركم يمشون على ريولهم .. انتو ما بتحسون بالنعمة إلا يوم بتفقدونها
راشد و محمد سكتوا و نزلوا راسهم و هم متفشلين من عمرهم
محمد : نحن مب جي قصدنا .. و نحن آسفين و حقكم علينا
راشد يريد يغير السالفة : صح روضة وين بتروحيين اليووم الجمعة و اليوم ما شي و لا محل فاتح .. باجر انشاء الله بودييج
.
.
.
في العين .. و تحديداً في سكن جامعة الإمارات
سلطان : خلوووف قووم بسك نوم .. حشى ما نوم عليك .. قوم الحين الساعة 2 الظهر .. حتى صلاة ما مصلي .. يا الهرم .. لا و بعد صلاة الجمعة
خليفة : امممم شو تريد خلني ارقد .. و الله أني راقد بعد صلاة الفجر
سلطان : انزين أنا كنت ارمس وياك يا الدب .. و شوفني ما شاء الله علي قايم و نشيط من الساعة 9
خليفة و بعده ما قادر يفتح عيونه : انزين روح و ارجع و قومني بعد ربع ساعة
سلطان و بدأ يعصب : اقولك قوم لا الحين اصب عليك ماي بارد
نقز خليفة و يعرف سلطان يسويها .. كم مرة مسونها فيه
خليفة يطالع سلطان بنص عين : ارحموا من في الأرض يرحمكم من في السماء
سلطان : اقووول لك قوووم .. صلى و تعال بنتغدى ترا ميت من اليووع ..و عاد يايب مندي دياي .. بتاكل اصابعك و راه
خليفة و هو قايم و يمشي صوب الحمام : يا الله ربع ساعة و بخلص
طلع سلطان و راح يبدل ملابسه لانه من الصبح و هو طالع صوب مكتبة الجامعة يريد يسوي بحث و بعدين راح يصلي الجمعة .. و بعدين خطف على مطعم و اشترى غدا .. يعرف ان خليفة اذا نام مستحيل يقوم من نفسه لازم حد يدق فوق راسه .. و بعد شوي وصل خليفة و سلطان كان مجهز الأكل
سلطان ويريد يغلس بخليفة : يا خي كيف تستحمل تقوم من النوم و تاكل عيش .. ما ترحم معدتك .. تبدا تشتغل يومها بعيش هههههههه
خليفة طالع سلطان بنظره على أساس انه بيحقره وما بيرد عليه
و بعد دقايق من الصمت
خليفة : سلطوووون هالاسبوع بترجع الشارجة
سلطان ياكل وهو يطالع التلفزيون : لو كنت برجع كنت بالخميس بسير يالغبي اليوم الجمعة ..يعني ما يمديني .. انشالله على الاسبوع الياي بطلع من الأربعاء العصر و بروح الشارجة
خليفة : اولا محد غبي غيرك ... ثانيا الاسبوع الياي عندنا اجزام و إلا نسيت
سلطان : لا ما نسيت يا حلو .. بس انا متفق مع الدكتور أني بمتحن يوم الثلاثاء .. لاني قلت له عندي ظروف و لازم ارجع الشارجة .. و يا حليله ما قال لي شي
خليفة مفتح عيونه ع الاخر : يا ربي على الخيانات اللي تصير .. و ليش ما خبرتني
سلطان : ههههههه يا ربي يا الحسد يقطر منك كيف .. انزين روح سأله يمكن يخليك تمتحن وياي يوم الثلاثاء
خليفة : لا لا عاادي .. اصلاً انا يوم بخلص كل الامتحانات برجع
سلطان : بس أنت من 3 اسابيع ما شفت أهلك .. يا خوي ما يصير
خليفة : شو اسوي و الله ما بيدي حيله .. ما اروم رايح راد من الشارجة للعين .. و الله تعبت .. بس انشاء الله اول ما بخلص من الامتحانات ما بتشوف رقعت ويهي
.
.
.
خلود و هي على سريرها .. ماسكه كتاب العلوم تذاكر
خلود : اوووووف يا ربي ملل .. شوو اسوي بكل هالكروموسومات .. يا ربي متى بتريحني من هالهم
شوي و لا تشوف موبايلها يولع لأنها مخلتنه ع السايلنت
خلود : ألووو
خليفة : مرحبا .. السلام عليكم
خلود : أهليين و عليكم السلام و الرحمه
خليفة : شحالج خلووودووه ؟؟
خلود : بخير يا عساك الخير .. أنت اللي شحالك ؟؟ و متى بترجع واايد طولت
خليفة : أنا بخير الحمد لله .. و إنشالله جريب برجع .. تعرفين عندنا امتحانات ادعيلي .. و كيف الدراسه وياج ؟
خلود : خلها ع الله .. باقي أسبوع و بنخلص الامتحانات
خليفة بأهتمام : و كيف المذاكره ؟
خلود : كل اللي درسه نسيته .. بس ما شي حال شاده حيلي
خليفة : بالتوفيق أنشالله
خلود : آميين .. أجمعين
خليفة : انزين وين امايه ؟
خلود : تتصل الظهر و تريد تكلم امي .. ما تعرف انها يوم الجمعة تروح بوظبي
خليفة : لا اعرف .. و انتي ليش ما رحتي و ياها ؟
خلود : و أنا من متى أروح بيت خوالي ؟!!!
خليفة : خلود مهما يكون هم خوالنا و لازم محترمهم .. نسيتي وقفتهم ويانا .. لو الحين أحنا ما نعرفهم ما كنت بدخل الجامعة
خلود : لا تقول هالرمسه .. حتى لو هم ما وقفوا ويانا كنت بتدخل الجامعة
خليفة : لا ما كنت بدخل .. كنت بشتغل عسب أصرف عليكم .. و نسيتي أن خوالي هم اللي راكضوا لي هم اللي سجلوني فالجامعة .. و حبيت أقولج أحنا عايشين على الله ثم على خيرهم
خلود تضايجة: اووووف خلااص عاد ..
خليفة بحزم : نسيت انج تذاكرين .. ما اوصيج على دراستج .. و سلمي على امي و خالد
خلود : يوصل .. و تحمل بعمرك
خليفة : هههههه !! انشالله يلا مع السلامه
خلود مستغربه : ما اعتقد اني قلت شي يضحك !!
خليفة : لالا ما اضحك عليج .. ربيعي صوبي و اضحك عليه .. يلا بااي
أما خليفة بعد ما سكر عن خلود .. تم يفكر فبنت خاله ريم يا ربي كيف هالأنسانه يحبها
.
.
.

يتبــع

.
.
.
صدى الشوق
03-14-2009, 06:32 PM
.
.
.
بعد مرور أسبوعين
.
.
.
عالبحر قاعد مايد ويا ربعه
سيف : شو رايكم نتسابق بالسيارة ؟!
مايد : هههههههه من وين هالمرة بتسرق سيارة !
سيف : من عند بدر ولد عمي بناخذ عنه الجيتي
سعود : واثق أنه بيعطيك !! و ما بيقول لحد .. ترا أحنا ما عندنا ليسن
سيف : هي بسكته بـ 500 درهم .. و الحين فالليل و احنا صوب البحر يعني عادي
أحمد : خلاص عيل تم .. بس اذا صار شي احنا برع السالفه
سيف : اوكيه .. دقايق بتصل فبدر و الجيتي بتكون عندكم
و بعد ربع ساعه وصلت الجيتي
بدر : ما اوصيكم على الجيتي
مايد : لا الغالي لا توصي حريص .. يا الله يا عشقي يا الجيتي
الشباب : هههههههههه
أحمد : أنت كل السياير السبورت عشقك
مايد : و لا تنسى بعد العزبة
سعود : شو دخل العزبة فالسالفة .. يلا دور منو الأول
بدر : أنا استأذن مب متفيج ليكم يا المهبل .. سيف أول ما تخلصوا اتصل فيني
سيف : اوكيه
و بعد ما روح بدر
مايد : أول واحد أنا بركب
أحمد : لا مب أحسن نركب اثنين .. يعني أنت و سيف و أنا و سعود
سيف : منو اللي بيسوق انا و لا انت ؟!
مايد : نعم .. الجيتي جدامي و أبوي محد تباني اقول لك انت سوق .. لا الشيخ انا اللي بسوق
و ركبوا مايد و سيف فالجيتي و مشوا على الشارع الرئيسي و أحمد و سعود قاعدين ع الحصير .. مايد كان يسوق بأقصى سرعه و هو مستانس
مايد : ما شاء الله عليه خفيف و يطير طيران
سيف اللي كان متمسك بأيده : ياخي خف شوي تبا تقتلنا
مايد يضحك على كلام سيف : هههههههههه وينكم يا أحمد و سعود تسمعون كلام سيف
سيف : انا ما خوااف بس الروح غاليه
مايد : انزيين بس دورتين و بنرجع
و تم مايد يفحط بالسيارة لين سمعوا صووووووووووت انفجاااااااااار طااااااااااااااااااااااااااااااااااخ
مايد يحاول يسيطر على السيارة لان التاير انفجر .. بس السيارة كانت تلف بقوة كانت سرعته كبيرة حاول انه يمسك السكان عسب ما تفلت السيارة من تحت سيطرته .. و لما شافه سيف انه ما قدر يسيطر عليها حط ايده الثنتين على السكان مع ايدين مايد و وقفوا السيارة .. الموقف كان يخوف أكثر من انه يضحك .. لكن مايد كان ميت من الضحك .. و سيف بعد ما وقفت السيارة نزل لان حس عمره بيرجع بعد ما لفت فيهم السيارة كل هاللف
مايد : ههههههههههه و الله عجيبة الدورة اللي سويتها
سيف عصب من موقف مايد : و بتصير عجيبه اكثر لو لصقنا فاليدار و لا هالليت
مايد : انزين ليش مكبر الموضوع ما صار إلا الخير
مايد و يشوف سيارة يايه صوبهم .. و وقفت قريب منهم .. بدر كان يلحقهم بدون ما يعرفون
بدر : سلامات ما تشوفون شر
سيف و مايد : الله يسلمك
بدر لف على السيارة يشوف شو فيها : افاااا شو صار
مايد : ما شي .. بس التواير ما تنفع
بدر : لالا ما يصير .. انا من يوميين مركب تواير يداد
سيف : الله ياخذ ابليسك بغيت تقتلنا
مايد : ههههههههه و الله لو شفته يا بدر كيف طلع خواااف
سيف : سير عني لااه شو خواف .. بس و الله حسيت روحي بتطلع شفت الموت قدام عيوني
بدر : عطني المفتاح الحين علي بي و بيتصرف بالجيتي خلوني اوصلكم البيت
سيف : لا بنرجع البحر عند أحمدووه و سعوود و بتوصلهم فدربنا
بدر : اوكيه ارباب خخخخخ
.
.
.
ميرة تصيح من كثر الضرب اللي انضربته من خالها و ما تقدر ترمس كل كلامها متقطع !!
ميرة : أنا ما سويت شي !!
عبد الله : ما سويتي شي لاااه .. و أنا اللي أقول أنج عاقل و ما تفهمين فهاي السوالف !! أنتي طالعة على منو ؟؟ لا أبوج و لا أمج و لا أخوانج شراتج !! ويا ويهج بس إذا أبوج ما أدبج أنا بأدبج و بعلمج اللي سويته غلط !!
ميرة كانت ساكتة و تسمع خالها المعقد اللي كرهته.. و وقفت بعد ما كانت طايحه من على الأرض تبا تسير حجرتها
عبد الله : الله ياخذج قولي آمين .. و الله أنج فضحتينا .. و الله لو حامد عرف أنج بنت أختي بذبحج .. و أنا اليوم بقول لأمج و أبوج عن سواد ويهج يا الخايسة
ميرة مستغربه : منو هذا حامد ؟!!
عبد الله : أونج ما تعرفينه .. هذا الاستهبال و الاستعباط مب عليه أنا فاهمه
ميرة تركض و يوم وصلت صوب باب حجرتها قالت بصوت عالي : شو يعني خوفتني .. أنا ما سويت شي غلط و أقدر أدافع عن نفسي
عبد الله : هذا الكلام قوليه لين أبوج بعد ما أخبره فاهمه .. أحمق بنت أخت .. مالت عليج
.
" عبد الله " خال ميرة .. (( أخو أمها )) .. مب متزوج و طايش و عايش حياته .. لكنه وايد عصبي .. كل شي عادي عنده لكن حرام على غيره .
.
ميرة بعد ما دخلت حجرتها .. ما تعرف شو تسوي !! .. فقررت تتصل فبنت عمها و ربيعتها الروح بالروح ريم و اتصلت ميرة لريم
ريم : مرحبا الساع بعيون وساع
ميرة : .......
ريم : ألووووو .. ميرووووه وينج .؟!!
ميرة و هي تصيح : ريموه ألحقي عليه ..حاسه عمري بموت
ريم خايفة : ميرة شو فيج ؟!! عسى ما شر حد منك فيه شي .. لا تخوفيني قولي شو فيج ؟!!
ميرة : مب وقته الحين .. تعالي بليييز لا تتحيرين
ريم : عشر دقايق و بتشوفيني جدامج
و بعد ما وصلت ريم .. و دخلت الصالة .. كان عبد الله خال ميرة قاعد فالصالة و شكله كان معصبه
ريم : السلام عليكم
عبد الله : ......... و عليكم السلام
ريم فخاطرها [ منو هذا !! هيه خال ميرة الحليو اللي مب معرس .. ما ادري ليش ميرة تكره .. مع أنه شكله طر ] .. و سارت ريم صوب الدري تبا تروح حجرة ميرة
عبد الله : على وين ؟!! ،، و منو أنتي أصلا ؟!! ،، على كيفج تدخلين
وقفت ريم مكانها و وقف قلبها و غمضت عيونها و فخاطرها [ الله يستر ] : أنـ .. أنـاا !!
عبد الله : هيي أنتي .. في حد غيرج فـالصالة يعني
ريم ترتجف : هذا بيت عمي ..
عبد الله يعيب عليها : و هذا بعد بيت أختي
و ريم سوت له طاف و راحت صوب حجرة ميرة و هي خيفانه ..
ريم : ميرة بطلي البااب أنا ريم
ميرة و عيونها منتفخات من الصايح .. قامت و بطلت الباب : هلا ريم
ريم : ميرة بلااااج ؟!! و الله من يووم كلمتج و أنا خيفانه و قلبي يدق .. قولي شو بلااااج !!
ميرة : ريم دخلي و بخبرج كل شي
دخلت ريم حجرة ميرة و ميرة قفلت الباب عليهن
.
.
.
ڪــ cut ـــٺ ::

ڜۈ ڛآلفــﮧ ميرة !.. ۈ مڼۈ حآمد هذآ !!..
صدى الشوق
03-14-2009, 06:32 PM
البارت الثاني
.
.
.
يدخلون أم محمد و بو محمد البيت
أم محمد : هلا و الله بأخوي عبد الله .. شحالك شو مسوي ؟!..
بو محمد حس أن فيه شي مستوي : عبد الله !.. بلاك شكلك مب طبيعي فيك شي
عبد الله : ... و بعد تسألون عن حالي !..
بو محمد : عسى ما شر !!..
عبد الله : الشر ما اييك يا بو محمد .. بس [ بتردد ] ....
أم محمد : آمر يا خوي أطلب ما يردك إلا لسانك !..
عبد الله : لا خلاص ما فيني شي
بو محمد : كيف ما فيك شي ؟!.. ارمس لا تستحي
عبد الله و هو يهدي من عمره : لا ما شي بس شفت حادث عسب جي أنا مرتبك شوي
بو محمد : لا حول و لا قوة إلا بالله هالحوادث كل يوم تزيد الله يبعد عنا الحوادث
أم محمد : آميين .. عيل اشوفك روحك وين مايد و محمد و ميرة أحيدهم فالبيت
عبد الله ارتبك : هي ميرة فوق عند ربيعتها .. و مايد ما شفته اليوم و محمد سار ويا راشد يوصلون عمتهم الشارجة
أم محمد : ربيعتها فهالوقت !.. عيل يمكن ريم بنت عمها .. عن أذنكم بسير أشوفهم
.
.
.
أم خليفة و تدخل البيت و على طول راحت المطبخ
أم خليفة : السلام عليكم
خلود انتبهت لأمها : هلا و الله أمايه .. [ و سارت سلمت عليها ]
أم خليفة : اسمعي حطي فوالة لأن عيال خالج فالصالة
خلود : منو منهم ؟!..
أم خليفة : راشد و محمد موصليني .. وحليلهم الحين بيرجعون بعد .. و الله تعب عليهم .. وين خالد ؟!
خلود : الله يسلمج من بعد صلاة الظهر ما شفته .. يعني ما اعرف هو وين !!..
أم خليفة : اتصلي شوفيه وين .. قولي له أي البيت بسرعة .. من يظهر من البيت ما يرد إلا نص الليل
شوي و لا يسمعون صوت خالد و هو يدخل عليهم المطبخ و يروح صوب الثلاجة و طلع عصير و صب له فالكوب و شرب
أم خليفة : لا سلام و لا شي
خالد ببروده : آسف يا الغالية ما انتبهت لج .. [ و يحبها على راسها ]
أم خليفة : انزين قوم ايلس فالصالة ويا عيال خالك
خالد : هههههههههه !!.. عيال خالي روحوا
أم خليفة : لا تقول .. متى روحوا أنا قلت لهم يصبرون بحط لهم فوالة و الله تعب عليهم مساكين الحين بيرجعون بوظبي
خالد : أنا قلت لج خليني أخذ الليسن و اشتروا لي سيارة .. و الله بستوي دريول
أم خليفة : هذا اللي ناقص بعد ما خلصت الثنوية و تبا سيارة .. و أنت ليش تطلع من البيت و أنا محد و تخلي أختك روحها
خالد و هو يطالع خلود : حشى ما طلعت صليت الظهر و رجعت و تغديت وياها و سولفنا بعد .. حتى ذاكرة ليها مسألة الرياضيات
خلود : شفوا الخريط شوفوا .. أنت يوم فالعربي ما فالح كيف بتفلح فالرياضيات .. لا أمايه لا تصدقينه .. و الله أن ما اتغدا فالبيت .. أنا أصلاً اليوم ما شفت إلا الحين
خالد و هو يطالع خلود بنظره : و الله ....
أم خليفة : خلاص بس عاد الحين بتتضاربون جدامي .. محد بيأدبكم غير خليفة
خلود تبا تغير السالفة : صح أمايه خليفة اتصل و يسلم عليج
أم خليفة : متى اتصل ؟!..
خلود : الظهر تقريباً الساعة 2 و نص و سلم عليكم
.
.
.
نرجع لبيت بو محمد
بو محمد أستأذن من عبد الله و راح يرتاح لأن من الصبح و هو قاعد و باجر عليه دوام .. و عبد الله قعد يرمس عمره
عبد الله و هو مستغرب : أنا ليش ما قلت !.. ليش ارتبكت !.. أول مرة جي يستوي فيني .. بس أنا لازم اقول لأبوها خله يعلمها الأدب .!!..
أم محمد تدخل عليه : عبد الله !. بلاك ترمس عمرك .. أنا من أول ما شفتك و احساسي يقول فيه شي .. أنته يوم ما رمست أنا قلت يمكن استحيت من بو محمد ..
عبد الله : لالالا لا استحيت و لا شي .. بس مثل ما قلت لج شفت حادث يروع .. أنا الحين بروح تامرين بحايه ؟!..
أم محمد : أنا أختك و تجذب علي !.. المهم براحتك .. بس ليش ما تقعد عندنا اليوم ؟!..
عبد الله : لا ما أقدر عندي شغل
أم محمد باستغراب : شغل !....
عبد الله يقاطعها : المهم سلمي على بو محمد .. يلا مع السلامة
و طلع عبد الله و أم محمد مستغربه أول مرة أخوها عبد الله جي يتصرف .. بس ما اهتمت للموضوع
.
.
.
فالسيارة
محمد طول الدرب و هو يغني .. كانوا محطين سيدي منوعات أغاني حلوه
محمد يغني ويا محمد عبده : تعال و انظر خفوقي و سارع .. الصبر طال و خايف يتلفه باس .. عجزت و أنا مع خفوقي أصارع .. حبك و لذة شوفتك و أجمل احساس
راشد مستغرب أول مرة يسمع صوت محمد يغني : ما شاء الله عليك يا بو جسوم شكلك عاشق .. لا يكون وحدة من غراشيب الشارجة
محمد و الابتسامة ما فارقته : يا ويل حالي على الغرشوب يا رشود
راشد و يعرف أن محمد ما عنده هالسوالف : بشر رقمتها ؟!..
محمد : هههههههه .. هييه عطيتها رقم نعالي
راشد : هههههههههههههههه عيل بتحسبه مقاس يهالوه
محمد : مالت عليك يا الدب .. الحمد أنا رشيق شو ذنبي يوم أنت دب
راشد : بسم الله علي منو الدب يا أخ محمد ؟!.. أنته ما تعرف أن جسمي يدوروه دواره .. و البنات يتخبلن علي .. طالع الأول فدورة كمال الأجسام
راشد يشل أثقال .. يعني جسمه معضل و منتفخ بسبب العضلات
و بعد وقت طويل وصلوا بوظبي
راشد يرمس ريم بالتلفون : انزين .. بشوف و برد عليج !.. أوكييه خلاص عرفت !.. قلت لج انزين بلاج !.. أوكييه مع السلامه
محمد : بلاك يا ريال معصب !..
راشد : أنا مب معصب !.. بس ريم فبيتكم فتقولي آمر عليها عسب تبا تروح
محمد : لا و الله .. أنته ما تعرف أنك فسيارتي يعني أنا ما أقدر أروح بيتنا و بعدين بيتكم و بعدين أرد بيتنا .. و لا اقول خلاص خذ سيارتي
راشد : كيف !..
محمد : يعني أنا بروح الحين البيت .. و أنته خذ ريم و روحوا بيتكم فسيارتي و باجر يصير خير
راشد : بو جسوم .. متأكد ترا هاي سيارتك .. أول مرة فالتاريخ
محمد : هههههههههه تتحرى أنا شرير شراتك .. لا الغالي أنا طيب .. تفداك السيارة و اللي فيها
و بعد ما وصلوا خذ راشد سيارة محمد و رجع هو و ريم أخته بيتهم .. و محمد أول ما دخل البيت سار سيده صوب حجرته لان كان فليل الساعة 2 إلا ربع فقال أكيد راقدين .. بس محمد سمع صوت فحجرة ميرة أخته
محمد : بسم الله منو يصيح !..
دخل محمد حجرة ميرة و شافها ع السرير تصيح .. و سار صوبها
محمد : ميرة بلاج ليش تصيحين ؟!.. ريم قالت لج شي ؟!.. شي مستوي ؟!..
محمد كان يرمسها بس هيه ما كانت ترد عليه ..
محمد : ميرة غناتي ..
ميرة و هي تصيح : محممممد !.. أنا بموووت
محمد و هو يحضنها : بسم الله عليج لا تقولين هالرمسه .. قولي بلاج ؟!..
ميرة : خالي عبد الله !.. ضربني
محمد : شوووو ؟!.. ضربج ليش !! أنتي شو سويتي عسب يضربج .. لازم تخبرين أبوي
ميرة : لا ..!!
محمد باستغراب : ليش !..
ميرة و هدته شوي : أنا بخبرك السالفه و بعدين أنته خبر أبوي
محمد : لا تخافي قولي شو بلاج و ليش خالي عبد الله ضربج ؟!.. لا تخافين أنا بوقف وياج
ميرة : ... سلمت عليه و رمست وياه .. و بعدين أنا رحت حجرتي عسب أذاكر و قال لي يبا اللاب مالي .. رحت أنا وعطيته .. و ... !!
محمد : ميرة كملي لا تخافين
ميرة تصيح : شاف محادثتي ويا ربيعتي بس ما قدر يفتحها لأن فيها باسووورد !..
محمد : انزين شو فيها يعني ؟!.. جان فتحتي له المحادثة
ميرة : مب جي السالفة .!! أنا متأكدة مليون % أنها ربيعتي .. و الله ما أجذب عليك .. بس هو تحرى أني أرمس واحد أسمه حامد
محمد عصب : حامد ربيعه !.. هذا شو مب واثق فيج .. لهدرجة يعني
ميرة زاد صياحها : هيه و تم يضربني
محمد : أنتي ليش ما قلتي لأبوي .. و ليش ما فتحتي ليه المحادثة !!
ميرة : ما قدرت أرمس .. و تم يصرخ عليه و الله يعور ضربه [ و تصيح ] إذا استوى بي شي هو السبب !!
محمد : لا تحاتين أنا بقول لأبوي .. [ و بعصبيه ] الصراحة شو ها لهدرجة هو مب واثق
.
.
.
اليوم الثاني .. العصر .. و تحديداً فبيت بو راشد
" بين إيديا و أحس أنك بعيد .. ذوب بأحضاني مثل قطعة جليد "
تدخل روضة حجرتها .. و يلست تغني
" علم العشاق كيف الحب يكون .. لا حواجز أحلى طعم الحب أكيد "
هاي كانت نغمت المسج اللي واصل لروضة .. قعدت ع السرير و مسكت تلفونها و فتحت المسج (( مرحبا رويض .. بعد شوي بنروح السوق اتجهزي )) .. و كان المسج من عند بنت خالتها .. و ردت عليها .. و بعدين راحت عند أمها
روضة : ماماتي ممكن طلب !..
أم راشد : آمري
روضة : أريد أروح السوق .. و عواش بنت خالو بتخطف عليه
أم راشد : انزين و منو بيوصلكن ؟!..
روضة : ما اعرف بس إذا مب الدريول أكيد حمد
أم راشد : انزين ما عندي مانع .. بس بشرط قبل صلاة العشاء تكونين فالبيت
روضة تركض تحضن أمها : و الله يلوموني فيج .. يوم اقول أني أحبج أكثر من عمري
أم راشد تضحك : انزين خلاص خلاص
روضة : أنا بروح أتجهز
و تدخل ريم حجرة روضة .. و تشوفها تلبس العباءة
ريم : وين بتروحين ؟!..
روضة : بروح السوق .. عندج مانع
ريم و هي تحط إيدها على خصرها : لا و الله .. و أنا بنت البطة السوووده .. ليش ما تقولين لي
روضة : أذا بتروحين روحي أتجهزي قبل لا يوصلون
ريم باستغراب : منو !..
روضة : عواش بنت خالو
ريم : وععععععععع عواشوووه .. لا مشكورة أحسن لي أقعد فالبيت بكرامتي
روضة تضحك على ريم .. لأن ريم و عواش ما ينحطن فمكان واحد .. مثل توم و جيري
روضة : أحسن بعد ما فينا على الحشرة
[ صوووووت الهرن ]
ريم : هيه هذا حمووود اللي بيوديكم .. بنزل ألعوزه
أم راشد : خلي الريال فحاله يا بنت
ريم : أحسن لي أروح حجرتي و أرمس ميرة و أشوف شو سوت !.. .. روضة أي بتشترينه لج أنا أختج ترا
... و دخلت روضة السيارة .. بس مكانها كان ورا السايق يعني ورا حمد
روضة : السلام عليكم
عواش بصوت واطئ : و عليكم السلام
حمد كان يرمس ربيعه : خلاص يا بو عسكور خيرها فغيرها .. شو اسوي هاي أوامر الجهات العليا .. تراني بصدق أني وياهم .. خلاص نتلاقى بعد ربع ساعة .. مع السلامة
و يرفع حمد عيونه و يشوف روضة ترمس عواش
حمد : شحالج روضة ؟!..
روضة : بخير طاب حالك .. أنته اللي شحالك ؟!..
حمد : عساج دوم بخير .. إذا أنتي بخير أنا بخير
عواش : حمد يوم بنخلص بنروح ع الكورنيش
حمد : يوم بكون سواقج اتشرطي .. و يلا وصلنا و ما أريد وحدة تروح شرق و وحدة غرب .. امشن مع بعض .. و أنا بروح أشوف ربيعي و مبينا تلفون
عواش و روضة : إنشاء الله
.
.
.
نهـاية البارت الثانــي
تتوقعون شو بتكون ردة فعل بو محمد يوم بيعرف عن سالفة ميرة !.. و ميرة شو بيستوي بها !.. و عواش و حمد شو دورهم !..
كل هذا و أكثر بتعرفونه فـ البارت الثالــث
و السموحهـ ..
صدى الشوق
03-14-2009, 06:33 PM
البارت الثالث
.
.
.
بعد صلاة المغرب فبيت بو محمد
بوم محمد : عيل وين ميرة !.. أنا اليوم ما شفتها !..
أم محمد : ميرة من البارحة فحجرتها راقدة .. ما أدري بلاها .. تقول راسها يعورها !..
بو محمد : مايد سير حجرة ميرة و قول لها تنزل
مايد : أنشاء الله
و راح مايد صوب حجرة ميرة و دخل
مايد : الصراحة الحجرة تنفع للرقاد ظلام و باردة .. ميرووووه قوومي بسج من الرقاد .. بتخيسين من البارحة و أنتي راقدة .. قومي يلا أبوي تحت يباج
تعب مايد من كثر ما يصرخ على ميرة .. بس ميرة ما انتبهت له
مايد : ميرة راقدة فـمليون نومه عسب جي مب راضية تقعد من النوم
محمد بخوف : أنا بقوم أشوفها !..
و راح محمد عند ميرة
محمد : ميرة [ و يخوز عنها اللحاف ] ميرة قومي [ و يضربها ضربه خفيفة ع خدها ]
ميرة فتحت عيونها
محمد ابتسم : يلا عاد بسج من النوم قومي صلي المغرب و تعالي تحت
ميرة ترمس بس بدون صوت .. يعني شفايفها تتحرك بس
محمد : هههههههههه ترمسين عمرج !.. رمسي عدل شو تقولين !..
نفس الشيء ترمس ميرة بدون صوت
محمد منصدم و فخاطره [ يا رب ما فيها شي .. يا رب اللي فبالي ما يطلع صح ] .. و يسحبها من أيدها و يركض لتحت
أم محمد : محمد شو بلاك !..
محمد و عيونه تدمع : ميرة ما ترمس !!..
الكل : شوووووووو
.
.
.
فبيت بو راشد
روضة ترمس بالتلفون
سالم : يعني اليوم أقدر أشوفج !..
روضة : هههههههههه .. ما أقدر و الله ما أقدر
سالم عصب : شو يعني ما تقدرين .. أنتي مب واثقة فيني !.. أنتي أصلاً لو تحبيني ما جي بتعامليني .. و أنا الغلطان اللي ارمسج .. ما أعرف عنج إلا اسمج روضة و من بوظبي .. أنا أعرف اللي يحب يضحي و يتعب [ و سكر التلفون ]
روضة تضايجة .. و ردت اتصلت فيه 7 مرات بس ما رد عليها .. و طرشت له مسج " إذا أنته صدق تحبني رد علي " .. رد سالم و اتصل
روضة : بليييز لا تسكر .. بس بقولك شي .. لا تقول أنا ما أحبك و أنته تعرف أنا شكثر أحبك و أعزك و أحترمك .. بس تبا تعرف أنا بنت منو ! عسب أطيح من عينك .. و أنا شعرفني أنك تحبني .. يمكن باجر تفضحني و لا ...
سالم يقاطعها : لو بفضحج جان فضحتج من أول ما رمستج مب الحين .. من ثلاث سنوات و أنا ارمسج .. و الحين تقولين لي بفضحج !.. أنا الغلطان اللي ضيعت عمري لج .. أونه قالت بطيح من عينك .. لا تقولين هالرمسة .. لو أنا من شباب هالأيام جان وزعت رقمج و فضحتج و غيره شرات الشباب اللي يفضحون البنات هالأيام .. بس أنتي تعرفين زين
.
" سالم " عمره 29 سنة أكبر من روضة بـ 6 سنوات .. خريج جامعة دنفر بكلورادوا و هو مهندس نفط في شركة pdo .. طيب لدرجة ما تتصورونها .. و هو يحب روضة و يرمسها من 3 سنوات .
.
فالصالة
ريم : رشود و الله حرام عليك
راشد : قلت لج ما أقدر !.
ريم : يعني يوم أنته تقول لي شي أنا أسوي لك .. لكن يوم أنا أطلب منك طلب ...
راشد يقاطعها : ما أنفذه لج
ريم : انزين استانس أنته بتروح تشوف حرمتك !..
راشد يضربها بكرتون الكلينكس : لا تقولين ميرة حرمتي
ريم تغمز له : ههههههههه ميرة حرمتك يعني حرمتك .. قصدي بتستوي حرمتك
راشد : صدق أنج ياهل
ريم : أنا الياهل !.. و لا خلاص نسيت ميرة و تبا وحدة أمريكية
راشد يضحك : ههههههههههه
ريم : هي و الله خذ لك وحدة شقرا و عيونها خضر و لا زرق
راشد : حرام مب زين .. بعدين ميرة بتزعل .. ما يصير نزعل بنت العم [ و يغمز ليها ]
.
.
.
خالد يصارخ بأعلى صوته : خلود خلووووود و صمخ جلااب
أم خليفة : خلود محد سايره بيت عمتك
خالد : و ليش سايره !..
أم خليفة : سايره ترمس عبد الرحمن
خالد : بشو ترمسه بعد !!..
أم خليفة : أونه سر بينها و بينه
خالد : و الله حالة .. بنت و ترابع ولد عمتها صدق أنها خبلة
.
فبيت عمت خالد
عبد الرحمن : ها كيف الدراسة !..
خلود : و الله تمام .. و أنته كيف وياك !..
عبد الرحمن : الحمد لله .. اتصدقين اليوم بغيت ايي مدرستكم اقردن البنات
خلود : استح ع ويهك بس ما شي مقردن بنات من اليوم و ساير
عبد الرحمن : ليش !..
خلود : نسيت أنك ثانوية عامة
عبد الرحمن : هي صح و لازم أبطل عن البنات
خلود : هي لازم
عبد الرحمن : إنشالله
.
" عبد الرحمن " ولد عمت خلود ولد طويل و حليو و عكره 17 سنة و ثانوية عامه فنفس صف خالد
.
و بعد مرور الوقت .. يعني بعد ما رجعت خلود بيتهم
خالد : خلود تعالي تعشي ترا فبيتنا ألحق ما تلحق
خلود : يايه الحين
أم خليفة : العشا خلص و انتو بعدكم تتعازمون
.
.
.
الكل منصدم و متضايج
بو محمد : لا حول و لا قوة إلا بالله
محمد : خالي عبد الله السبب !..
مايد : محمد لا تيلس اتخربط .. هذا قضاء و قدر
محمد : أنا ارمس صدق .. خالي عبد الله السبب !!..
مايد : كيف !..
محمد : ضربها ضرب .. و الدكتور قال ما ترمس بسبب صدمة .. شو يعني هذا !..
بو محمد : محمد أنته من صدقك !.
محمد : هي من صدقي
بو محمد : و الله لو صار شي لبنتي لأقتلك يا عبد الله [ و يصد صوب أم محمد .. اللي كانت قاعدة ع الكرسي و تصيح ]
الدكتور يطلع ليهم مرة ثانية : يا ناس هدوء شوي .. هذا مستشفى .. بو ميرة لو سمحت بغيتك شوي
[ و سار الدكتور و بو محمد لحقه ]
أم محمد : الله يستر .. محمد روح شوف أبوك أكييييييد ميرة فيها شي
محمد يهدي أمه : لا تخافين إنشالله ما فيها إلا العافية .. الدكتور الحين تلاقينه يسأل أبوي شو فيها إذا كانت مريضة و لا
و بعد عشر دقايق
بو محمد : محمد تعال شوي
محمد خاف و سار صوب أبوه
بو محمد : محمد بغيت أسألك عن خالك عبد الله شو سالفة .. و ليش ضرب ميرة !..
محمد ارتبك : لا ما شي سالفة
بو محمد : محمد .. قول أنا أبوك و مردها بعرف
محمد : ........ أنا بخبر بكل شي .. بس تعال بنيلس فالكفتيريا
بو محمد : أكيييييد السالفة طويله !..


نهـآيـة آلبـآرت الثـآلث ،،
صدى الأحزآإن
03-14-2009, 09:09 PM
يلآ صدى آلشوق متىْ بتڪملينهآ !

آنـِآ فيً آلآنتظـِآإر [ :eh_s(1): ~
prince uae
03-15-2009, 09:22 AM
واااااااااااو

قصه روووعه

متى بتكملينها صدى

انا انتظر:Afkr:
đяέάм
03-15-2009, 09:16 PM
בـرآم آڷڷي ڛٿۅى ڤمـيرهـَ مآٿڛٿآهـَڷ .. ۅآنڜآءآڷڷـﮧ مآٿڪبر ڛآڷڤٿهـآ ..

ۅٿـڛڷميـטּ عَ آڷبـآرٿ ..

ۅبآنٿظآإر آڷبآرٿ آڷيآي ڷآٿبطيـטּ عَڷينآ ..
صدى الشوق
03-18-2009, 06:40 PM
يلآ صدى آلشوق متىْ بتڪملينهآ !

آنـِآ فيً آلآنتظـِآإر [ :eh_s(1): ~


*{ ٿڛلميڼً صدى آلآحژآטּ ع آلمـرۈۈر

،، ۈ آڼڜآء آللـﮧ بآچر بيڼژڷ آلبـآرٿ ~*!
صدى الشوق
03-18-2009, 06:43 PM
واااااااااااو

قصه روووعه

متى بتكملينها صدى

انا انتظر:afkr:


*{ ٿڛلم فٿى آلآحژآטּ ع آلطلـﮧ

،، ۈ آڼڜآء آللـﮧ بآچر بيڼژڷ آلبـآرٿ ~
صدى الشوق
03-18-2009, 06:45 PM
בـرآم آڷڷي ڛٿۅى ڤمـيرهـَ مآٿڛٿآهـَڷ .. ۅآنڜآءآڷڷـﮧ مآٿڪبر ڛآڷڤٿهـآ ..

ۅٿـڛڷميـטּ عَ آڷبـآرٿ ..

ۅبآنٿظآإر آڷبآرٿ آڷيآي ڷآٿبطيـטּ عَڷينآ ..


*{ ٿڛلم ڛۈيٿ ع مرۈۈرچ آلرآئــع ~
سوالف خبلة
03-19-2009, 03:17 AM
حلوة مررررررررررررررررررة
صدى الشوق
03-27-2009, 12:54 AM
حلوة مررررررررررررررررررة


تسلمييين ع المـروور
صدى الشوق
03-27-2009, 01:01 AM
آسـفه ع التــأخــير ]~



البارت الرابع
.
.
.
بو محمد منصدم : محمد روح عند خالك و قوله .. [ و بعصبيه ] و لا أقولك أنته أقعد عند أمك و أختك و أنا بروح له .. هذا اللي ما يستحي على ويهه
محمد يحاول يهدي أبوه : خله يولي المهم الحين أن ميرة تقعد لنا بالسلامة
بو محمد معصب و سوا طاف لمحمد و طلع من المستشفى .. أما محمد سار صوب أمه
محمد : مايد دخيلك سير صوب سيارة أبوي و سير وياه لا تخله بروحه
مايد : إنشاء الله
و بعد ما سار مايد
أم محمد : محمد شو السالفة !..
محمد مرتبك : لا الغالية سلامتج ،، ما شي سالفة
أم محمد : تتحرى أني غبية و لا ما أفهم ،، تراني سمعتك تقول لأبوك أن خالك عبد الله السبب فحالة ميرة .. قولي شو مستوي
محمد : الحين مب وقته ،، أنا بسير صوب الدكتور بقوله نبا ندخل
أم محمد : هي سير قوله بندخل حتى لو خمس دقايق
.
.
.
خالد و خلود كانوا قاعدين يسولفون
خالد : صح أنتي البارحة ليش سايره بيت عموه !..
خلود : الحين تسأل .. جان سألتني البارحة أول ما رديت
خالد : كيفي و أسأل متى ما أسأل .. شو عندج ويا عبد الرحمن
خلود : ولد عمتي و كيفي !..
خالد : أونج عااد .. يلا قولي خلصيني
خلود : ما بقول شو قلت له موت قهر
خالد يبا يغايض بها : عادي حياتي لا تقولين ما أبا أعرف
خلود : ههههاااي .. لو ما تبا تعرف جان ما سألت
خالد : فديته عبد الرحمن هو بيخبرني
خلود تغايضه : أنا محلفتنه أنه ما يقول لحد و هو وعدني بعد
خالد قفط : شو يعني قلتي له عاد غير سوالفج الهبلة .. أنتي هبلة و هو أهبل عنج
و قعد خالد يطالع التلفزيون و خلود سرحانة ...... و بعد دقايق
خلود : خالد بقولك شي
خالد و عيونه ع التلفزيون : .... قولي
خلود : صد علي و لا بند التلفزيون
خالد : لو قلتي شي سخيف و لا أهبل مثلج ...
خلود تقاطعه : لالالا بقولك شي مهم
خالد و يصد صوبها : نعم أختي العزيزة آمري .. قولي .. تكلمي .. طلعي اللي فخاطرج
خلود : خليفة بعد يومين بي من العين !..
خالد يضربها بكرتون الكلينكس : مالت عليج .. و أنا أتحرى شي مهم على قولتج
خلود تضحك : هههههههههههههههه لا بس بغيت أعرف إذا أنته مهتم بخليفة .. بس الله يسامحك
خالد : أنا مب قصدي شي .. بس تحريت شي مهم يعني واااايد مهم
.
.
.
بعد ساعتين تقريباً العائلة الكريمة كلها عرفت عن حالة ميرة .. و بعضهم كانوا فالمستشفى
يرن تلفون محمد على نغمة نوكيا الأصلية
خليفة : هلا محمد
محمد : هلا خليفة .. شو بغيت !.. يوم اتصلت المرة الأولى كنت عند الدكتور
خليفة و ما عيبه أسلوب محمد : ما بغيت شي سلامتكم .. بس بغيت أطمن على ميرة .. شو قالك الدكتور !..
محمد تضايج من خاطره : الحمد لله على كل حال و الأمل بالله أكبر
خليفة : و النعم بالله .. محمد خلك قوي .. عسب ميرة تستمد القوة منك .. أنا بعيد عنكم و من صوتك حسيت بيأس صوت فما بالك من ميرة !..
محمد و تلوم من أسلوبه اللي كلم فيه خليفة : إنشاء الله يا ولد عمتي
خليفة : أنا إنشاء الله بعد يومين بمر عليكم .. المهم ما بطول عليك سلم على الأهل
محمد : يوصل
خليفة : يلا مع السلامة
محمد : في حفظ الرحمن
مشى محمد صوب حجرة الفحص اللي ميرة كانت قاعدة فيها .. محمد يشوف ميرة اللي كانت قاعدة على الكرسي و مركب عليها أجهزة .. و أمه من صوب تصيح .. تضايج وايد عليها .. و بعد ساعة تقريباً شالوا عنها الأجهزة
طلع الدكتور مع بو راشد و راشد و محمد
بو راشد : ها دكتور بشر !..
الدكتور بأسى : و الله يا خوي ما في شي .. لكن أملنا بالله أكبر
محمد بخيبة أمل : و النعم بالله
الدكتور : لكن انتو حاولوا وياها .. خلوها تعصب و تصارخ
راشد شاف ميرة و أمها طالعين من الغرفة فابتسم لهم
الدكتور : ميرة ديري بالج على عمرج .. و أنا كتبت لج موعد .. و أوراق الفحوصات كلهن فهذا الملف
و عطا الدكتور الملف لمحمد ..... و طلعوا من المستشفى و كل واحد فخاطره هم أكبر من منه
بو راشد : محمد وين أبوك !..
محمد : سار صوب .. [ سكت ]
بو راشد : وين !..
محمد : عند خالي عبد الله [ و فخاطره أمحق خال ]
بو راشد : أنزين سلم عليه .. و أحنا إنشاء الله باجر بني عندكم نتغدى
محمد : تعالوا حياكم الله
.
.
.
على الساعة 2:17 رجعوا البيت و شافوا البيت مظلم ،، دخل بو راشد و على طول راح حجرته ،، أما راشد راح صوب قسم خواته ريم و روضة .. دخل راشد الصالة و قال أنه بيخوف خواته ،، روضة كانت تقرأ قران ،، و ريم كانت نايمة من كثر الصياح اللي صاحته ،، و فجأة صرخت روضة
روضة : بسم الله خوفتني
عاد روضة أكبر خوافه فالعائلة ،، و حطت إيدها على عيونها و غمضت بقوة
راشد يضحك : ههههههههههههه أول مرة أشوف وحدة تخاف و تغمض عيونها بس !..
روضة : راشد حرام عليك تعرف أني خوافه .. و لا تبا أتيني سكته قلبية
راشد : و الله أنكم تحف
روضة : حطنا فالمتحف ههههههههه
راشد : بايخة .. [ و يغير السالفة ] .. عيل وين ريم !..
روضة : ريم نامت من كثر ما تصيح على ميرة ،، صح شو قالوا لكم عن ميرة !..
راشد : خليها على الله ،، الله يعينها بس !..
روضة حست بشي : يعني خلاص ميرة ما بترمس طول حياتها !..
راشد متضايج : أنا ما قلت جي ،، أووووووف من هالمشكلة الله ياخذ اللي كان السبب !..
روضة : لا أكيد في شي ،،
راشد : أنا روحي ما فهمت السالفة !..
.
.
.
اليوم الثاني ،، الساعة 11:30 ميرة قعدت من النوم و نزلت الصالة ،، و كانت أمها و محمد و مايد موجودين
أم محمد : صباح الخير ،، هلا ببنتي
ميرة : صباح النور !..
الكل أنصدم ميرة رمست
ميرة : تعبانه وايد !.. صح شو أستو أمس فليل
محمد : ميرة أنتي ترمسين !..
ميرة : هي أنا أرمس شوف لساني [ و تدلع له لسانها ]
أم محمد تحضن ميرة : الحمد لله على سلامتج
ميرة مستغربه : ليش أنا متى مرضت !..
مايد : أنا بتصل فأبوي بقوله
ميرة : لا حول ،، شو تقوله !.. قولوا لي شو استو فيني أمس فليل !..
محمد : كيف ما تعرفين شو استو !..
ميرة : يعني اللي اذكره أني كنت فالمستشفى .. بس ليش أي دونت نو !.
محمد قالها كل شي ،، طبعاً هي أنصدمت من اللي استو لها ،،،، و بعد مرور الوقت تجمعوا كلهم و الكل فرح لميرة أنها رجعت ترمس ،،،
راشد بصوت واطئ : و الله أنه فلم هندي .. أمس فليل ما ترمس و الحين ترمس
محمد سمعه لأن كان صوبه و شافه بنظرة
محمد : ميرة لازم تسيرين المستشفى !!..
ميرة : ليش !..
محمد : بس عسب نتطمن على صحتج ....
بو راشد يقاطعه : محمد الدكتور قال أنها فحالة صدمة .. يعني تقدر ترمس فأي وقت .. يعني هي مب مريضة و شي
مايد : صح كلامك عمي .. بس بعد لازم نتأكد
روضة تبا تغير السالفة : أنا باجر طيارتي الصبح الساعة 7 منو الشاطر اللي بيوديني المطار !..
راشد : مب أنا
بو محمد : روضة سيري أنتي و الدريول و مايد بيسير وياج ،، لأن أبا محمد و راشد أخوج بسالفة !..
مايد : لا أنا ما أروم أسير
محمد : أنته أصلاً من متى أبوي قال لك شي و قلت تم ،، سير البحر يترياك
مايد : فديت البحر
ميرة : مايد ودني وياك يوم واحد بسير اصيد سمج
مايد : أنتي ما تستحين تسيرين عند الشباب !..
ميرة : عادي إلا شباب الفريج
راشد : لا و الله
ميرة شافت راشد بنظره أنه هو ما يخصه فيها ،،،
بو محمد : صدق أنج رغيد ،، مايد روح ويا روضة
ريم : و أنا و ميرة بعد بنسير
مايد : و شو رايك محمد و راشد أتون ويانا
محمد : صح فكره حلوه
أم راشد : شو يسيركن بعد ،، تقعدن من الصبح ماشين خط لين دبي
ريم : انزين عادي إلا فالسيارة ،، يعني ما يستوي مايد يرد روحه
بو محمد : فكونا من حشرتكم سيروا وين ما تبون تسيرون الله يحفظكم


نهاية البارت الرابع
رآقي بذوقهـ
03-27-2009, 01:06 AM
يالله يالله والله قريت مقطع الاول ورااسي افتر خخخ

نااايس منج القصه

ونتريااا اليديده.....^^
صدى الشوق
03-27-2009, 01:22 AM
يالله يالله والله قريت مقطع الاول ورااسي افتر خخخ

نااايس منج القصه

ونتريااا اليديده.....^^

{ . . هههههههـﮧ . . آلحين آڪـتشفت آڪـييد آنتـﮧ مآ تحب تقرأ خخخ

تسلم ع آلمرور آلرآئــع . . ]~
صدى الأحزآإن
03-27-2009, 07:21 PM
يِآ حييهآ ميرۈۈهـًَ . . بس صدقــﮧ رڜۈۈد [ فلمْ هنديً ] !

[ :eh_s(6)::eh_s(6): ]

آلمهم ٿسلميـטּ ۈبـ آنٿظآر آلبآرٿ آليآيً . .
đяέάм
03-27-2009, 08:33 PM
صدق فلمْ هنديً .. هع هع

ٿسلميـטּ ع ـالبآرٿ ..

وبانتظآإر آلبآرٿ 5 ..
شفا الجروح
03-30-2009, 05:41 PM
يسلموؤ ع آلقصة آلنآيس ..
صدق فلم هندي ..
نتريآ آلبآرت آليآي
صدى الأحزآإن
03-30-2009, 06:52 PM
يلآ صدىْ آلشوؤقٍِ وآيـِد طولتيً . .
شفا الجروح
03-31-2009, 07:41 PM
صدى آلشوؤق وينج وآيد طولتي علينآ ...
خفـايـا الروح
03-31-2009, 07:47 PM
يسلمو ع البارت نااايس
صدى الشوق
04-01-2009, 10:15 PM
يِآ حييهآ ميرۈۈهـًَ . . بس صدقــﮧ رڜۈۈد [ فلمْ هنديً ] !

[ :eh_s(6)::eh_s(6): ]

آلمهم ٿسلميـטּ ۈبـ آنٿظآر آلبآرٿ آليآيً . .


لآزم يستويـے أڪـشن شويـے ،، تسلمين ع آلمتآبعــﮧ }~
صدى الشوق
04-01-2009, 10:17 PM
صدق فلمْ هنديً .. هع هع

ٿسلميـטּ ع ـالبآرٿ ..

وبانتظآإر آلبآرٿ 5 ..

هع ،، آللـﮧ يسلمج }~
صدى الشوق
04-01-2009, 10:18 PM
يسلموؤ ع آلقصة آلنآيس ..
صدق فلم هندي ..
نتريآ آلبآرت آليآي

آللـﮧ يسلمج شفآ ،، و تسلمين ع آلمتآبعــﮧ }~
صدى الشوق
04-01-2009, 10:19 PM
يلآ صدىْ آلشوؤقٍِ وآيـِد طولتيً . .

لهدرجــﮧ متحمســﮧ خخخ ،، آنشآللـﮧ آلبآآرت بينزڷ بآجر }~
صدى الشوق
04-01-2009, 10:20 PM
صدى آلشوؤق وينج وآيد طولتي علينآ ...


ڪـڷ بآرت بينزڷ فـ آلويڪـنـد ،،ْ~
صدى الشوق
04-01-2009, 10:22 PM
يسلمو ع البارت نااايس

آللـﮧ يسلمج }~
صدى الشوق
04-02-2009, 06:20 PM
البارت الخامس.
.
.
بعد صلاة المغرب ،، و بعد ما رجع بو راشد وعياله بيتهم
بو محمد : مايد اتصل فخالك و خله أي الحين بسرعة
الكل استغرب
مايد : إنشاء الله
و اتصل مايد فخاله ،، و بعد ربع ساعة تقريباً
عبد الله يدخل : نعم ،، .!!
أم محمد : عبد الله شو هالأسلوب !.. الناس يوم تدخل تسلم أول
عبد الله : لا و الله .. تبيني اسلم و احبج على راسج بعد اللي سواه ريلج فيني
بو محمد : عبد الله أختك مالها خص فاهم .. الحين أنت عندي بس عسب أتأكد من اللي فبالي
عبد الله : شو تتأكد .. تتأكد أن بنتك ترمس رياييل ! لا و بعد ترمس ربيعي هذا اللي قاهرني
و بعد دقايق ،، بو محمد و أم محمد و محمد و مايد و ميرة و عبد الله كانوا فالصالة ،،،، فتح بو محمد لاب توب ميرة و شاف المحادثة ما فيها شي .. محادثة بين وحدة و ربيعتها ،،
بو محمد : ميرة تعالي فتحي إيميلج
فتحت ميرة إيميلها ،،
بو محمد : عبد الله تعال أنت بعد أفتح إيميلك
عبد الله مرتبك : ليش !.
بو محمد : عسب أشوف إيميل ربيعك شرات إيميل ربيعة ميرة و لا
عبد الله : بعدك تدافع عنها .. معلوم تراها بنتك
بو محمد عصب : عبد الله
عبد الله زاغ : انزيين انزيييين اوووووف
فتح عبد الله إيميله و فخاطره يقول [ إنشاء الله محد يكون أون لاين ]
بو محمد شاف إيميل ربيعة ميرة ،، و إيميل ربيع عبد الله ،،
بو محمد فخاطره [ شت نفس الإيميل ] ،، محمد سار صوب أبوه و شاف الإيميلين
محمد : خالي عبد الله تعال شوف الفرق بين إيميل ربيعك و إيميل ربيعة ميرة !!
بو محمد يطالع محمد باستغراب مع أن الإيميل ما فيه أي فرق
عبد الله : ما شي ولا فرق نفس الإيميلين
مايد : لا وأنت صادق في فرق .. أنت إيميل ربيعك ما فيه دوت و إيميل ربيعة ميرة فيه دوت
.
.
.
اليوم الثاني الصبح الساعة 9:30
سلطان : خلوووف قوم باقي نص ساعة عن المحاضرة و لين ما نوصل الجامعة .. الله ياخذك ما خليتني أنام فلييل من الحشرة اللي مسونها و في الأخير تأخرنا .. قوم اليوم العصر بترجع الشارجة
خليفة : أصبحنا و أصبح الملك لله .. حشا بالع راديو من الصبح
سلطان و خلاص عصب لأن كله و لا الدراسة عنده : شوف لو ما قمت الحين بروح عنك .. و تعال الجامعة مشي أوكي
خليفة عرف أن سلطان يسويها في سالفة الدراسة : يا الله قايم عن الحشرة
و راح يسبح لا و بعد يغني متفيج الأخ ،، و سلطان معصب و يوم تأخر خليفة طلع عنه و راح الجامعة
بعد ربع ساعة طلع خليفة من الحمام و يدور سلطان بس ما لقاه اتصل عليه و لا حد عبره و عرف أن الحبيب راح عنه ،، خليفة من الأشخاص اللي ما يحطون فخاطرهم شي ،، قعد يضحك ،، و بعدين لبس و طلع من السكن و راح الجامعة
.
.
.
فالسيارة
ريم : مايد نبا نسير مول الإمارات
مايد : خيبه من الصبح ....
ميرة : عادي بنسير نتريق
مايد : لا و الله .. أعتقد أنكن سمعتن أبوي يوم قال " تطلعون من بوظبي لمطار دبي .. و بعدين ترجعون "
ريم : انزين يعني كل الوقت فالسيارة يعني أحنا بننزل نتريق و بس
مايد يغايضهم : انزين مب لازم نتريق فمول الإمارات .. بنطلب جاي كرك و براتا جبن و بيض
ميرة : مب على كيفك أنته .. عيل طول الوقت فالسيارة .. بس بننزل نتريق و بس
مايد : لازم نوصل بوظبي قبل الساعة 1
ريم : انزين بعده وقت .. الحين الساعة 10 إلا ربع .. يعني بعده وقت وايد
مايد : ريمووه الطريج مب من بيتنا لبيتك ..
ريم : أي نو أن هذا الطريج من دبي لبوظبي
ميرة : مييوووود عااااد
مايد : انزين وين تبوون تتريقوون !!
ريم : مول الإمارات
مايد : لا مب مول الإمارات .. اختاروا مطعم
.
.
.
بعد مرور الوقت ،، تقريباً صارت الساعة 1 و ربع الظهر ،، فالجامعة و تحديداً فسكن الطالبات ،، كانت روضة و ربيعتها هند يتجهزن لأن عندهم محاضرة بعد ربع ساعة
هند : ها يا الدبة أخبارج ! و كيف بوظبي و أهلها
روضة : منيحين
هند : الله يمنحج عمارة من 13 طابق
و طلعن من السكن متجهات لمحاضرة ،، و طول الطريج سوالف و ضحك (( يحليلهن من أسبوعين ما شافن بعض ))
هند : رواااااااضي شوفي هناك .. مب جنه ولد خالتج
روضة : وين !
هند : هناك صوب المستر
روضة : هيه .. يحليله حمد .. أكيد يسأل عن شي
هند : ما شاء الله دافور شراتج
روضة : خليه ولد خالو .. ترى أمه تباه
هند : يا الله بعد تدافع عنه
روضة : تحيدين اعتبره شرات أخوي
هند و هي تبتسم : انزين فهمنا ..
.
.
.
الساعة 1 بليل
ريم كانت قاعدة ع النت ،، و إلا تسمح صوت برع الحجرة ،، طلعت عسب تشوف منو ،، بس ما شافت حد ،، خافت و سارت صوب حجرة راشد أخوها بس ما شافته ( راشد كان فالميلس ويا ربيعه ،، شباب سهر لين الفجر ) ريم ما كانت تعرف أن ربيع راشد فالميلس ،، مسكينة تحسب أخوها بروحه فالميلس ،، و دخلت و الصدمة يوم شافت واحد ،، و بسرعة طلعت و سارت حجرتها ،، و أحمد ربيع راشد سرح من شافها ،، بس راشد عصب من ريم ،، و سار صوب حجرتها ،، دخل حجرتها
راشد : أنتي ما تستحين على ويهج .. داشه علينا لا و بعد بدون شيله
ريم : و الله ما كنت أعرف
راشد : أن عدتيها مرة ثانية و الله بذبحج ،، اليوم طوفتها لأنها أول مرة سامعه
ريم : إنشاء الله
و رجعت ريم و يلست ع النت و بعد رقدت عسب المدرسة
.
.
.
الصبح الساعة 6:30
الخدامة مارينا تصارخ على خلود : خلود قوم يلا في مدرسا
خلود : اوهوووو قومي عني لا افلعج الحين
مارينا : و الله هذا بنيه ما في زين
خلود : كنج يالسه تسبيني
مارينا : يلا قوم انا بسير ما في يرجع انتي سير مدرسا و الا ما يسير انا في شغل
خلود : يلا قومي عني مالت عليج
وقامت خلود و خذت شور على السريع ،، و كل العادة صراخ و حشرة الصبح ويا أخوها خالد ،، و طلعت سارت صوب البنات يتيمعون عسب يتريون الباص
فواغي بنت يران خلود : غريبه اليوم متأخرة البارحة انتي اول وحدة طالعه
خلود : سكتي اليوم الشغالة لوعت بجبدي لا و بعد تنازعني
فواغي : ههههههههههههه
.
.
.
في المدرسة الساعة 8:14 الصبح
ميرة : انا الصراحة ناويه أخبل بالأبلوات
فطوم : ميرة حرام انتي شاطرة لا تضيعين شطارتج
سارة و ريم : عاشت العاقلة فينا
فطوم : لا من صدقي أنا حرام لا تضيعون شطارتكم
الكل : إنشاء الله
و سارن البنات كل وحدة في صفها
(( ريم و سارة فنفس الصف ،، و ميرة و فطوم فنفس الصف ))
و فالفسحة ضحك و وناسه و سوالف بين البنات و شالين البقعة
.
.
.
بعد مرور الوقت ،، و على هدوء البيت يقعد خليفة من النوم و يسير صوب الصالة من صوب قاعدة أمه
خليفة : صباح الخير
أم خليفة : صباح النور و السرور ،، هلا خليفة ،، تعال أتريق
خليفة : إنشاء الله
،،،،،،،،،، و بعد ما خلص
أم خليفة : خليفة أباك توصلني بوظبي صوب بيت خالك .. بنسلم عليهم
خليفة : إنشاء الله من عيوني .. أنتي أمري بس
أم خليفة : مشكور فديتك ما يأمر عليك عدو و لا ظالم
خليفة : إلا أخبرج عيالج أنتي شو تريقينهم من الصبح !. حشا حشرة .. ما يخلون الواحد يرقد عدل .. إلا ضرابه من الصبح
أم خليفة : خوانك و أنت أدرى بهم .. طول الوقت يضاربون .. الله يعيني عليهم بس
خليفة يغير السالفة : انزين أمايه متى بتروحين بوظبي !..
أم خليفة : ما أدري و الله .. بس أحسن بعد صلاة العصر عسب خالد و خلود بعد يروحون ويانا
خليفة : يصير خير .. أنا بروح أكمل رقادي
و راح خليفة حجرة و يوم دخل تذكر سلطان و قال بيتصل له ،،، و اتصل المرة الأولى محد رد ،، و المرة الثانية
سلطان بتعب : ألووو
خليفة : هلا و الله .. جان ما رديت بعد
سلطان : ما شاء لله عليك اليوم نشيط .. أشوفك متصل من الصبح
خليفة : وين الصبح الحين بيستوي الضحى
سلطان : يا ريال أبا أرقد تعبان .. بعدين أنا بدق لك
خليفة : لالالالالالالالا قوم يلا .. تتذكر يوم فالجامعة تقعدني من الصبح
سلطان : لا حول .. يوم أنا أقعدتك من الصبح للجامعة .. و الحين ويكند يا ريال و الله بتصل فيك بعدين
خليفة : عيل مع السلامة ما منك فايدة
سلطان : خلووف لا يكون زعلت !
خليفة : أنت تعرف إذا أنا زعلت و لا لا ! باي
و سكر خليفة عن سلطان و قعد يفكر لين رقد
الظهر الساعة 2:54
خلود بعد ما رجعت من المدرسة دخلت حجرة أخوها خليفة
خلود : يا الله خليفة قوووووم ( وتمط عنه اللحاف ،، و تفتح الليت )
خليفة يغطي عيونه بإيده عسب الإضاءة : خلود بندي الليت يا الدبة .. و خليني أنام
خلود تروح تفتح الستارة : شو بعد ترقد .. يا الله قوم أنته واعدني أنك تطلعني
خليفة و يعرف إصرار خلود : انزين العصر بنروح بوظبي
خلود : أحلف أنت بس !
خليفة : و الله العظيم .. روحي قولي لخالد
خلود : أوكيك .. مشكور يا أحلى أخو فالدنيا
خليفة : أعرف أني حلو
خلود : من الحين أنا بقولك وين بنروح .. عسب بعدين ما تقول لا
خليفة يضحك : بس أول بنروح بيت خالي و بعدين المكان اللي تبينه
خلود بتأفف : أي واحد فيهم !.
.
.
.
ريم : رشووود فالسينما فلم يديد حلو و عجيب
راشد فهم : راشد لو سمحتي
ريم : آسفة يا الشيخ راشد .. بليييز طلبتك قول تم
راشد : أبا أروح السينما .. انزين شو اسم الفلم !.
ريم : ما أدري
راشد : أونه بتروح السينما و ما تعرف شو اسم الفلم اللي بتشوفه
ريم : أعرف بس الاسم طويل
راشد : مب لازم تشوفينه اليوم .. أنا ما أقدر
ريم قعدت تحاول ويا راشد عسب يروح وياها السينما بس هو مب راضي
ريم : صح نسيت أقولك ترا ميرة تبا تروح
راشد بعده مب مستوعب : ميرة بنت عمي !..
ريم : هيه .. يعني جم ميرة عندنا .. أنا بروح اتصل بها بقولها تتجهز
راشد : و خليها تقول لمحمد بعد
ريم مستانسه و فخاطرها : الحين ميرووه بتصفعني ع الحركة اللي سويتها
بعد ما راحت ريم
راشد بصوت واطئ : وحده و مب عارف شكثر قلبي بيستحمل .. يا الله رحمتك
و بعد مرور الوقت و بعد ما الكل جهز لروحت السينما ،، راشد و ريم طافوا على محمد و ميرة ،، محمد و ميرة يدخلون السيارة
محمد و ميرة : السلام عليكم
راشد و ريم : و عليكم السلام
راشد بابتسامته الجذابة : شحالج ميرة !.
ميرة بخجل : الحمد بخير إذا أنته بخير
ريم : وين مايد .. شو ما بيروح !..
محمد : أحنا إلا رايحين السينما مب شالين زفيه
ميرة بصوتها الواطئ : الحين العصر يعني دور البحر
راشد : ههههههههههه يحليله هالولد مقسم عمره

نهاية البارت الخامس
صدى الشوق
04-02-2009, 06:23 PM
همســﮧ : [ ڪــڷ بـآرت بينـزڷ فـ آلوڪـينـد ] و آسمحولــيـے
صدى الأحزآإن
04-03-2009, 10:52 PM
هع هع هع ‘

عيبتنيً مآرينآ { خدآمـهَ قومْ خلود . .

وحبيتَ مـِآيِد حب جنونيً [ :eh_s(6): . .

بس اقول << مآ بيودونيً ويآهمْ آلسينمآ !

يلآ صدووهَـً لآ تتحيريـטּ علينآ وآيـِد . .
شفا الجروح
04-05-2009, 05:05 PM
يلآ صدى كملي آلبآرت بسررعه ...
غزالة الفجيره
04-07-2009, 04:37 PM
واااااااااااااااااااو شكرا
سمارية مضب
04-09-2009, 11:30 PM
روووووووووووووعه قصه حلوه مره
صدى الشوق
04-15-2009, 07:26 PM
{ . . صَدى آلّآحَزآآنِ ]~

~[ شفا الجروح ]~

~[ غزالة الفجيره ]~

~[ قلوبه . . }

تًسلمـؤو ع آلمـرور . . و آلمتآبعـه . . و إنشآلله بـآجر بينـزل آلبـآرت آلـ 6 ~

تًحيـآتـٍـي

صدى الشوق
صدى الشوق
04-17-2009, 12:09 AM
سًوؤوري ع آلتـأخـير ،، آدري آنــي طولتً وآآيد فـ آسمحولي


البارت السادس
.
.
.
فـالسيارة يرن تلفون محمد
محمد : ألووو .. هلا و الله و عليكم السلام .. الحمد لله يسرك حالنا .. أنتو اللي شحالكم !. ..دوم إنشاء الله .. متى !.. اهاا يعني تقريباً بعد صلاة المغرب .. حياكم الله البيت بيتكم .. فحفظ الرحمن و هلا هالله بالطريج لا تسرع .. ههههه .. باي
بعد ما سكر محمد
محمد : راشد ردني البيت !!
راشد : ليش !
محمد : اليوم عيال عمتي شيخة بيون عندنا
ميرة : انزين ما فيها شي .. ترا عمووه كل مرة اتي
محمد : لا الحين كلهم بيون و يمكن يقعدون عندنا ليوم السبت
ريم : وعععععع لا تقول خلود بعد بتي !!
محمد : و الله عاد خليفة قال كلهم بيون .. بسألكم سؤال شو سالفتكم ويا خلود !! .. من حد يقول اسمها سبيتوها سب !!
ميرة : الله يسلمك ما شي سالفة
ريم : و لو شي سالفة ما لازم تعرف .. سوالف بنات [ و تغمز له ]
ميرة : ريمووه نزلي بيتنا
محمد : اليوم أنا بيطلع لي شعر أبيض و قرون
ريم : مشكلتك .. لازم تتحمل بنت عمك
محمد : رشوووود متى بتتخرج و بتشتغل و بتخطب ميرة و بتاخذها .. و ريم أنتي تمي عانس عسب تكونون فنفس البيت
ريم : لا أنا ما أبا أكوووون عااانس
ميرة تغمز لريم : أنتي خذي خليفة ولد عمو و أنا بخذ خالد و جي بنكون بنفس البيت
راشد حس بنغزة و شاف ميرة من الجامة اللي جدام
ريم : لا تفكرين تاخذين واحد غير أخوي صح محمد
محمد : و الله الشور مب عندنا [ و يصد صوب راشد ]
راشد : محمد ترا وصلنا بيتكم !!
محمد : يا الهرم تطردني من سيارتك !.. يلا ميرة نزلي عن رشود الحين ياكلنا ما فينا بعد
راشد : هههههههههه
ريم : راشد أنا بنزل أوكي
راشد : أوكي نزلي .. و طلعي قرون لمحمد
ريم : و الله فشيله مواعد ربيعاتي و قايلتلهم بشوفك فالسينما و الحين أنا ما سرت .. شو بيقولون عني الحين !!
محمد : أصلاً راشد ما كان بوديج السينما .. كنا بنلف دورة بالسيارة و بعدين بنرجع .. وييييييييييوؤؤ
ميرة : ريمووه نزلي .. من متى قالوا لينا كلمة و نفذوها
و نزلت ريم عند ميرة .. و محمد و راشد كالعادة عند الشباب .. من تقول ريم لراشد أن يوديها مكان يطلعها و هي مستانسه و يلفها دورة فالشارع و أخر شي يوصلها البيت حركات الشباب تقهرررر
.
.
.
بعد صلاة المغرب الكل كان متجمع فبيت بو محمد .. فالميلس عند الشباب
راشد : اسميكم ما تستحون .. قاعد وياكم و بتقومون عني .. ما منكم من اللي يقعد عندكم ..[ و راح عنهم ]
خليفة : أكيد زعل
محمد : لا مستحيل راشد يزعل .. بس تعرف حركاته
و طلعوا محمد و خليفة من الميلس .. و لفوا من ورا البيت من صوب المطبخ و خليفة وقف شوي بعيد و محمد راح داخل .. فهالوقت ريم كانت محتشرة تدور نعالها هههههه .. فطلعت من باب المطبخ اللي ورا بدون لا تنتبه لخليفة .. تنط على الدري اللي صوب المطبخ و ابتسامتها ما فارقتها .. و أول ما وصلت أخر الدري رفعت راسها تلاقت عينها فعين خليفة
خليفة فخاطره : يا ويلي و يلاه عليها
أما ريم وقفت جنها هبلة
خليفة : احم احم .. شحالج ريم .!!
ريم قلبها يدق : .... الحمد لله بخير .. أنتو اللي شحالكم .!!
خليفة : أنتو ..!! ليش في حد غيري هنا !!
ريم : ......... لا يعني قصدي كلكم أنته و عمو و خالد ...
خليفة يقاطعها بابتسامة : أهااا كلنا .. ممم الحمد لله يسرج حالنا ^__^
و طلع محمد و دخلت ريم المطبخ و قعدت تراقبهم من دريشة المطبخ
ريم فخاطرها : ما شاء الله عليه .. حلاته .. و الله من زمان ما جفته .. بس ليش محمد دخل من هذا الباب غريبة !!
و هي مندمجة فالمراقبة تنط عليها ميرة
ميرة : كشفتج شو تشوفين .!!
ريم : بسم الله .. من وين طلعتي !!
ميرة : بعد من وين طلعت .. أكيد من بطن أمي
ريم : شكلج متفيجة .. شو ميود الخبل عداج !!
في هاي اللحظة يدخل مايد و سمعها يوم تقول عنه خبل
مايد : إنشاء الله يا خذج واحد خبل و مينون و أهبل
ميرة قعدت تضحك عليهم
ريم بدت تجمع طاقتها عسب تحشرة : و يا عساك تاخذ وحده حوله .. و عرجه .. و ضروسها متفارجات .. و كل ما تتكلم تعطس .. عسب ما تكلمك أبد
مايد : ما أقول غير الله يعين اللي بياخذج
ميرة : ما شاء الله عليكم .. الصراحة تصلحون لبعض
بعد العشا الجو كان حلو
محمد و خليفة و راشد قاعدين يسولفون و سوالفهم متنوعة .. و خالد و مايد ما عندهم غير المغازل و التفحيط .. و بو محمد و بو راشد كل سوالفهم عند الشركة و الشغل
.
.
.
اليوم الثاني
بو راشد عزم أخته و عيالها فالمزرعة .. و ما ننسى بو محمد .. و أول ناس وصلوا المزرعة هم بو راشد
ريم : أفففففففففف .. أبويه مب جنهم تأخروا
بو راشد : صبري عليهم .. أحنا اللي ياييبن من وقت
راشد : خيفانة عن ميرة ما أتي
بو راشد : لا تحاتين هم عاطينا كلمة رياييل
أم راشد : بلاكم مستعيلين .. بيون الحين هم فالدرب
و بعد ما وصلوا
بو راشد : يا حي الله من زارنا و رابعنا
خليفة : الله يحيك يا خالي
بو راشد : وينكم ما نشوفكم إلا فالشهر مرة .. جي يوم أمكم أتي يوم الجمعة ما أتون وياها
خالد : شو نسوي مشاغل الدنيا وايد .. و قصدي الدراسة
خليفة صد صوب خالد و استغرب منه .. أول مرة خالد جي يرمس و بها الأسلوب .. !!!
و قعدوا الشباب فصوب و الحريم و البنات فصوب بس جريب منهم و يسولفون .. بس في واحد من أول ما شاف ريم و هو ما خوز عينه عنها .. و ريم لا حظت هذا الشي .. بس مسويه أكبر طاف
ريم : عند أذنكم يا جماعة .. بسير أشوف عزام !! من زمان ما شفته تولهت عليه
خليفة استغرب و فخاطره : أخ عليها تحب واحد غيري لا و بعد اسمه عزام ما تستحي
مايد يبا يخوفها : بابو يقول أونه مريض
ريم بخوف : بسير أشوفه .. يمكن يوم يشوفني يصح
و سارت ريم تركض صوب الخيل و الكل يضحك عليها ما عدا خليفة
و سارن خلود و ميرة وراها
خالد : منو عزام ما أشوفه ويانا !!
راشد : ههههههههه شو شايفنا حيوانات عسب ييلس ويانا
خليفة و خالد باستغراب : ليش !!
راشد : عزام هذا إلا خيل بلاكم !!
خليفة و طمن : اهااا و فخاطره [ اشو طلع خيل .. و أنا عبالي أدمي ]
عند البنات
ريم : عزام حبيبي واي فديتك شو فيك !!
خلود : هذا هو عزام و الله حليو .. لو هو إنسان جان خطبته ههههه
ريم : خل عنج عاد هو ما يبا إلا أنا [ و تصد صوبه ] صح عزام
عزام يحرك راسه بنعم .. طبعاً عزام يفهم لريم بحكم أنها اللي دربته من يوم كان عمرها 7 سنوات
نرجع لشباب .. و خليفة بعده يفكر فريم
خالد : يلا نبا نتغدى
محمد : و أنت ما تحاتي إلا بطنك
خالد : و أنا عندي شي أغلا من بطني
الكل : هههههههههه
و سار الكل و تغدى طبعاً تغدوا كلهم مع بعض بس ريم ما قدرت تاكل على راحتها من كثر ما خليفة يطالعها .. و بعد الغدا الشباب راحوا يلعبون كورة و بعدين ركبوا ع البانشي و بعدين راحوا يتسبحون في الحوض .. و البنات و هن يتشمن و يسولفن
و خلص اليوم الأول فالمزرعة و كله ضحك و و ناسه
.
اليوم اللي بعده .. الساعة 5 الفجر ريم انتبهت و حاولت ترقد مرة ثانية بس ما ياها النوم .. و طلعت من الحجرة و قعدت عند الباب .. شو و إلا تسمع حد يقول : عسى ما شر ليش مب راقدة !!
صدت ريم عليه و يوم شافته انصدمت
ريم : لا ما شي .. بس انتبهت و ما قدرت أرقد مرة ثانية .. و أنته ليش مب راقد !!
خليفة : أنا ما رقدت طول الليل .. يمكن مب متعود على المكان
ريم : أهاااا
و بعد فترة صمت
ريم : أنا بسير داخل !!
خليفة : تو الناس شو مليتي مني !!
ريم : لا بس أخاف حد يشوفنا
خليفة : و شو فيها يعني .. عادي ترا أنا ولد عمتج و أنتي بنت خالي
ريم : لا .. بس ما ادري
و قامت عنه و دخلت الحجرة
خليفة فخاطره : و الله أنها عذاب


شو تتوقعون !! ريم بتحب خليفة و لا !! شو من الأحداث اللي بتصير !! ميرة !! روضة !! حمد !! راشد !! سالم !! توقعاتكم !!
ترقبوا البارت السابع مع أحداث أكثر و مشوقة ^^
شفا الجروح
04-18-2009, 07:08 PM
آتوقع آنه رييم بتحب خليفه ..

ومآدري عن آلبآآجين ..

يلآ حبوبه نتريآآج ..

لآ تتآخرين علينآ ..
°●тsωα_3чôŋεε●°
04-21-2009, 04:29 PM
يسلمو ع القصه الفنتكـ
صدى الشوق
04-24-2009, 03:22 PM
شفا الجروح

°●тsωα_3чôŋεε●°

تًسلمـوؤوون ع آلمتـآبـعه . .
صدى الشوق
04-24-2009, 03:24 PM
البارت السابع
.
.
.
بعد صلاة العصر كلهم متيمعين و قاعدين مع بعض يسولفون ,,,,
بو راشد : يوم الجمعة الأسبوع الياي إنشاء الله أنا عازمنكم عندي فالبيت
أم خليفة : شو المناسبة !!
أم راشد : تعرفينه أخوج كل أسبوع وسوا عزيمة
ريم : عرفت شو المناسبة
بو راشد : شو !!
ريم : لأن يوم الأحد الظهر روضة بتي
بو راشد يقاطعها : صح أن يوم الأحد روضة بتي .. بس في مفاجئة ثانية و لو شو يستوي ما بتعرفونها يعني لا تفكرون فيها
راشد : مستحيل يكون في شي و عمي ما يعرف .. يلا عمي قوول شوو !!
بو محمد : و الله يا ولدي علمي علمك
بو راشد : لا تحاولون ما بتعرفون شو .. و بعد عيال خالتكم بيكونون موجودين
ريم : عيال خالو مريم !!
بو راشد : هي .. و أتجهزوا و حطوا احتياطاتكم لأنكم بتتفاجئون
مايد : لا يا عمي نحن مب مستعدين لصدمات .. خبرنا الحين عسب بعدين بننصدم و بتينا سكته قلبية
بو راشد : يوم الأجد بتعرفون لا تخافون ما في شي .. بس لازم الكل يكون موجود
ميرة : أها اجتماع عائلي
خلود كانت تلعب بتلفون خليفة أخوها و مسوي طاف بس تخلي عمرها تسمعهم ،، فتح خلود الرسائل و كتبت " خليفة يلا بنروح بس ملينا .. و بعدين أنته قلت بتمشينا " و عطت التلفون لخليفة ،، خليفة قرأ اللي مكتوب و كتب " ليش ترمسين بالجمع .. أنا و أمي مستانسين .. أما أنتي و خالد لو شو يستوي ما بتضحكون " و عطا التلفون لخلود ،، و خلود يوم قرأ الكلام عصبت وردت كتبت " أنته تعرف أني أنا و خالد مستحيل نضحك عند خوالي .. و لو سمحت أبا أرجع البيت " قرأ خليفة الكلام للي خلود كاتبتنه و عصب عليها
خليفة : خلود تعالي وياي بروح السيارة أيب الجارج مال تلفوني
و قامت خلود و راحت ويا خليفة صوب السيارة
خليفة : خلود أنتي بلاج جي .. اللي أنتي ما تحبيهم خوالج وقفوا ويانا .....
خلود تقاطعة : لا تعطيني محاضرة بس خلاص حفظ الكلام
خليفة : أنتي ليش متكبرة و أنانية .. لو خوالي ما ساعدونا ما بتشوفين السيارة جدامج .. تعرفين أنا نحن كنا تحت رحمة عمي .. تعرفين أن عمي كان بيجتلنا ....
خلود كانت شوي و بتصيح
خليفة : أنتي أصلاً ما بتحسين لين ما تفقدين النعمة .. و الخطط اللي أنتي و خالد متفقين عليها أرجوكم كنسلوها و هذا خالد دواه عندي فالبيت !!
خلود : أي خطط !! و الله أنا ما يخصني
خليفة : تتحريني أنا ما سمعتكم فالبيت يوم ترمسون و تقولون أنكم بتأدبون ريم و ميرة
خلود مرتبكة : لا يعني نحن مب قصدنا شي
خليفة : المهم أنا أحذرج و قولي لخالد و يصير خير
و مشى عنها و ما عطاها فرصة أنها ترد عليه
،،،،،،،، المهم بعد رحلتهم اللي قضوها فالمزرعة رجع الكل على بيته
يوم الاثنين الساعة 4:30 العصر
ميرة : أمايه .. أمااااااايه
أم محمد : خير ميرة .. بلاج تصارخين !!
ميرة : سلامتج ماماتي .. بس أبا أروح بيت ربيعتي فطوم
أم محمد : ليش !
ميرة : ترا عندنا مشروع جماعي .. و أنا روح بيتهم أسوي وياها .. و أسوم بتروح وياي
أم محمد : منو أسوم !!
ميرة : أسوم بنت موزة
أم محمد : أنزين .. و منو بيوديكم !!
ميرة : ما أعرف .. الدريول محد .. بشوف محمد
أم محمد : انزين ما عندي مانع بس بروحي شاوري أبوج بعد
،،،،،،،،،،،،، بعد مرور الوقت
محمد : ميرة يلا روحي أتجهزي إذا بتروحين
ميرة : أوكي
و راحت ميرة حجرتها و اتصلت لأسوم عسب تتجهز ،،، و بعد ما خلصت و ركبت السيارة
ميرة : ترا ربيعتي بتروح وياي
محمد : منو !!
ميرة : أسوم
محمد : أخت أحمد
ميرة : هيه
و يوم و صلوا بيت أسوم ،، ميرة نزلت و دقت الجرس و طلعت أسوم
ميرة : هلا أسوم
أسوم : أهلين .. منو بيودينا !!
ميرة : أخوي محمد
أسوم : لا و الله أنتي قلتي لي الدريول بيودينا
ميرة : بس الدريول محد راح دبي .. يعني الحين شو المشكلة .. أركبي السيارة و قولي السلام عليكم و بس
أسوم : الله يستر
و يركبن ميرة و أسوم
أسوم : السلام عليكم
محمد بصوت واطئ : و عليكم السلام
و طول الطريج هدوء ،، و يوم وصلوا صوب بيت فطوم
محمد يصد صوب ميرة : يوم بتخلصون سوي لي مس كول
ميرة : أوكي
.
.
.
خالد : أنا كيفي و حر باللي أسويه
خليفة : لا مب كيفك .. أنت جي بتطيح من عين خوالي
خالد : ليش أنا ارتفعت فعينهم عسب أطيح !! شو هاي الحياة اللي عايشينها كل ما نقول شي .. قلتي لي خوالك .. و كل ما سويت شي قلتي لي خوالك .. أوووووووف
هنا خليفة يفقد سيطرته و يصفع خالد
خليفة : هاي اللي ترمسها تراها أمك .. أحترمها أحسن لك و عن قلت الأدب و لا ترفع صوت مرة ثانية فاهم
يطلع خالد من البيت بدون ما يرد عليه
أم خليفة : حرام عليك يا خليفة ليش تضربه .. روح شوفه وين راح عن يسوي بعمره شي !!
خليفة : لا مب حرام علي .. خليه عسب يتأدب و يعرف أنج أنتي أمه
أم خليفة : خالد بعده ياهل ما يعرف شو يقول
خليفة : عمره 17 سنة و تقولين عنه ياهل .. محد بيضيعه غير الدلع .. خليه عسب يتأدب
.
.
.
نرجع لميرة و ربيعاتها أسوم و فطوم
فطوم : و الله لو ساروه و ريم ويانا أحلى
أسوم : عسب نقعد نلعب و ما نسوي المشروع
ميرة : الحمد لله أنا خلصنا .. و أنشاء الله يوم ثاني بنكون مع بعض .. طبعاً بيكون يوم لسوالف
أسوم : عاد المرة الياية تعالوا بيتنا مب كله عند فطوم
فطوم : أوكي و لا يهمج .. بنتريق و بنتغدى و بنتعشى فبيتكم بنخلص أكلكم و بنخلص الأكسجين اللي فبيتكم و ما بنخلي شي ما بنلعب به
ميرة : سكتوا شوي
و اتصلت ميرة لمحمد عسب أي ياخذهم ،،،،،،
فطوم : نلتقي باجر فالمدرسة
أسوم + ميرة : مع السلامة
و يركبن السيارة ،، و محمد كان مشغل سيدي شعر فزاع " ما كان له داعي "
و أسوم طول الطريج عينها ع المنظرة اللي جدام و سرحانة ،،، و يوم انتبهت لقت محمد يطالعا و محمد من شافها انتبهت ضحك عليها لأن شكلها كان يضحك
ميرة : ليش تضحك !!
محمد : ها .. لا ما شي
.
.
.
بعد مرور الأيام صار يوم الجمعة ،، و الكل كان متجمع فبيت بو راشد ما عدا خالد و خلود بحجة أنهم يذاكرون لأن عندهم امتحانات .. طبعاً الحريم و البنات فالصالة .. و الشباب فالميلس .. يدخل بو راشد الصالة بعد ما كان فالميلس اللي اتفق وياهم
بو راشد : احم احم
أم راشد : ادخل يا بو راشد محد غريب
بو راشد : السلام عليكم
الكل : و عليكم السلام
بو راشد : شحالج يا أم حمد !!
أم حمد أخت أم راشد : الحمد لله يسرك الحال .. و من صوبكم !!
بو راشد : الحمد لله عايشين بخير و سلامة .. ريم وين روضة !!
ريم : راحت المطبخ
روضة تدخل الصالة
بو راشد يشوف روضة و يقول فخاطره [ و الله كبرتي يا بنتي ]
بو راشد : اسمعوا أنا بخبرك الحين .. و ادري أنكم بتتفاجئون
أم خليفة : خير يا خوي أنته من الأسبوع اللي طاف و فخاطرك شي تقول
بو راشد : هي نعم و الحين وقته .. الله يسلمكم [ و يصد صوب روضة ] من زمان و انتو تعرفون أن حمد محير لروضة ( روضة حست بنغزة ) و الحين يا وقته .. و اليوم حمد و أبوي يايين يخطبون روضة رسمي .. و انتو قعدوا اتفقوا .. و نحن فالميلس يوم بتخلصون خبرونا
و يطلع بو راشد من الصالة و راح الميلس ،، أما بالنسبة لروضة أول ما سمعت أبوها تمت ترتجف و دمعت عينها و راحت تركض لحجرتها
أم حمد : أسمحي لي يا أختي و ربي ما كنت اعرف بالموضوع
.
.
.
روضة ترمس سالم و هي تصيح
سالم : أصلاً أنتي ما حبيتيني .. لو تحبيني مثل ما تقولين جان قلتي لي أنتي بنت منو عسب أخطبج .. روضة !!
روضة مكتفية بالصياح
سالم : هاي حياتج و أنتي حرة فيها .. سوي اللي يريحج .. و إذا وافقتي على ولد خالتج مبروك و الله يهنيج وياه .. و حطي فبالج أني ما بنساج مهما يستوي و ببقى على ذكراج لين ما أموت .. و ما بسبب لج أي إزعاج .. حكم القدر مكتوب و الرب يرعاج
.
.
.
الرياييل فالميلس اتفقوا على كل شي و حددوا يوم الملجة ،،، بعد مرور الوقت الكل رجع ع بيته
بو راشد : روضة .. رووووضة !!
روضة : نعم أبويه
بو راشد : تعرفين أنا شو بقولج .. أنتي موافقة على حمد و لا مب موافقة !!
روضة : ..................
بو راشد : السكوت علامة الرضا .. أفهم من كلامج أنج أنتي موافقة
روضة بانفعال : لا مب موافقة
بو راشد باستغراب : ليش !!
روضة : بس .. ما أبا أعرس الحين
بو راشد : أنتي تعرفين أن حمد من سنة خطبج و قلنا عسب أنكم تدرسون .. و حمد تخرج و الحين يدور على شغل ....
روضة : أنا مب موافقة و خلاص
بو راشد بعصبية : لا بتوافقين .. أحنا عطيناهم كلمة و كلمة الرياييل ما تنزل الأرض .. صح أني أنا ما أريد أغصبج على شي أنتي ما تبينه .. بس أنتي من البداية ما عارضتي
.
.
.

يتبع
شفا الجروح
04-24-2009, 09:16 PM
آلصرآحه آلبآرت فنتكـ ..

بس يلآ نتريآ آلتكمله ..

وطولي آلبآرت شوي آلله يخلييج ..

ولآ آطوليين علينآ ..
đяέάм
04-28-2009, 11:03 PM
آڷڷـﮧ يڛٿر ڜۅ بيڛٿۅيے ..

يڷآ صدآۅيے ڷآ ٿبطيـטּ .. ۅبڷييز طۅڷيے آڷبآرٿ

ۅٿڛڷميـטּ عَ ـآڷبآرٿ آڷڪڜۅפֿـيے .. ۅبآنٿظآإر آڷبآرٿ [ 8 ] ~
صدى الشوق
04-30-2009, 12:51 AM
شفا الجروح . .

سويتً جيرل . .

سلمتـوؤوو ع المروور و المتابعـهـً . .
صدى الشوق
04-30-2009, 12:59 AM
البارت الثامن
.
.
.
الغرفة ظلام و الدريشة مفتوحة و الهوا بحرك الستارة ،، شو ذنبي أنا .. ما أقدر أرفض .. ليش أول ما سألوني ما قدرت أرفضه .. حمد ما ينرد .. شو عذري عسب أرفضه .. يا ربي أحس راسي بينفجر من التفكير .. أحسن أقوم أتوضئ و أصلي ركعتين و أقرأ قرآن بدال هالدموع ..
روضة : ألو
هند : اهلين رواضي .. وينج من ساعة اتصل ..
روضة وصوتها رايح من زود الصايح : موجودة بس كنت نايمة
هند وسمعت صوت روضة عرفت انها تصيح : رواضي شو فيج !!
روضة : فديتج ما فيني شي
هند : روضة لو ما قلتي شو فيج الحين بي عندج !
روضة وتتصنع الابتسامة : منو قال لج أن فيني شي !!
هند : أوكي .. مع السلامة
.
.
.
بعد مرور الأيام تحدد موعد ملجة روضة على حمد
.
في هالأجواء الحلوه وعلى شعر اهداء خاص لروضه من عند خالتها .. دخلت روضة الخيمة اللي كانت متروسة حريم .. لابسه فستان أزرق نااااااااعم وشعرها الاسود مرفوع شوي والباقي مفتوح وكان طويل ما شاء الله وماسكة في ايدها ورده جورية بيضة .. جاذبه كل العيون عليها بجمالها الساحر .. تمشي قريب منها بنت خالتها عواش اللي كانت لابسه فستان ذهبي ورافعه شعرها البني ومنزله شويه خصلات .. صابغتنهن ذهبي وطالعه أية في الجمال
عواش: رويض رفعي راسج .. صايرة وايد مؤدبه اليوم
روضه :عواش بصيح .. وايد خايفة .. رجعوني حجرتي
عواش : اقول عن المصاخة .. عيل تبين اخوي يقعد بروحة فوق الكوشة
روضه : خلاص مابا اخوووج .. رجعيني حجرتي
عواش تضحك على كلام روضه : هههههههههه
وصلن الكوووشه .. و قعدة روضه .. و مباشرة قامن الحريم يسلمن عليها
ريم كانت لابسه فستان فيه كل الألوااان وطالعه فراشه في الحفلة : ميرة تعالي .. سألي عواش وين شريط دخلة حمد .. ترى تحيديها يوم اكلمها تقل ادبها وانا مب متفيجة الحين اخرب كشختي
ميرة تبتسم على كلام ريم : أوكي بس انتي روحي وقفي صوب روضه تراها بتموت من الخووف
ميرة تروح صوب عواش
ميرة : عواااش
عواش :- هلا ميرة شو بغيتي !!
ميرة : أقولج وين السيدي اللي فيه الأغنية مال دخلت حمد
عواش : هيه .. عند راشد
ميرة : وشو وداه عند راشد .. الحين كيف اييبه !!
عواش : اتصلي على راشد و بييبه لج .. انا تيلفوني فوق
ميرة : أوكي
و راحت ميرة لحد ما وصلت آخر الخيمة عسب تكلم راشد لأن الصوت وايد عالي في الخيمة ..
عند الرياييل بعد كان الوضع وااايد حلو... الشباب ما مقصرين كانوا مرتبشين اللي ايووول و اللي يرزف .. ما عدا راشد اللي قاعد ويطالعهم ويضحك عليهم
تيلفووون يرن
ميرة : ألوووو .. راشد ( كانت تصارخ لانها ما تسمع من الحشرة )
راشد يضحك في خاطره يقول [هيه مع غيري يظهر الاستهبال ] : هلا ميرووة
ميرة : اقول لو سمحت أبا السيدي مال دخلت حمد مكتوب عليه 2 p أوكي لا تتأخر انا صوب باب البيت من داخل اترياك
راشد استانس على الاخير : اوكي
وبند عنها .. و طيران شل السيدي من السياره وراح صوب باب بيتهم .. أول ما وصل شاف شخص يوم التفت عليه .. بهت مكانه كانت ميرة قاعدة تعدل عباتها .. بس الشال اللي كان لونه بنفسجي شوي طايح وطالع وجهاااا اللي اول ما انتبهت أن راشد وصل انصبغ باللون الأحمر .. وقفوااا بثنينهم يطالعون بعض .. بعدين ميرة لفت و كانت بتروح في الخيمة .. لكن راشد ناداها ..وعطاااهااا السيدي .. وراحت عنه .. تمشي بخطوات سريعه .. أما راشد تم واقف مكانه .. بعدين لف على الجهة الثانية وحرك عمره ومشى رجع عند الشباب وفي قلبه مشاعر متضاربات
راشد : آآآآآآآآآآآآآآآه ياربي حلاتها ..
ميرة أول ما خذت السيدي من عند راشد طيران في الخيمة .. وهي قلبها يدق بقوووه .. راحت وعطت ريم السيدي
و بعد فترة دخل حمد على أغنية " سعود أبو سلطان "
يا قمر سلم .. وزيد النور نور..معرسنا في هالليله حضر
حمد : مبروووك عليج
روضه ساكته ولا نطقت بحرف
سيف ومسوي عمره معصب ..:- نزين رويض بنشووف ..
وقف و قعد يكلم خالته و بصوت عالي : خالوووو .. خالوووو تعالي شوفي بنتج ما طايعه ترفع راسها
روضه في هاللحظه رفعت راسها وشافت كل الحريم يطالعن حمد ويضحكن على خباله بغت تصيح ..
.
.
.
الشباب شالنهم الهوى .. ويرزفون ويووولووون .. والشواب متجمعين صوب بعض ويسووولفووون خالد قاعد بعيد عنهم وماسك تيلفونه ويلعب وباين عليه الضيج .. شافه خليفة وسااار صوبه ..
خليفة : خالد شو فيك !!
خالد بعصبيه : تشوف فيني شي
خليفة : أنزين علامك انا ما قلت شي
خالد يرفع راسه صوب خليفة :قلت لك ما فيني شي .. بتروح عني والا انا بقووووووووووم احسن
خليفة : لا تقوم ولا تحرك .. اصلاً انا بروح عن الشباب
خالد مارد عليه .. ونزل راسه يكمل اللعبه .. وراح خليفة عنه .. لكن محمد شاف شو صار و راح و قعد صوب خالد
محمد : يا هلا والله بولد عمتي
خالد و مب متفيجة يسولف مع حد : اهلين
محمد : علامها النفسيه .. حد مضايقنك ..
خالد وعصبيته تزيد : ليش تسألون .. حد قال لكم شي
محمد : جي في حد سأل قبلي !!
خالد زفر زفره من الخااااطر :- هيه خليفة
محمد : شفت يعني ما إلا انا ملاحظ انك متضااايج .. انزين شو فيك !!
خالد : صدقني ما فيني شي
محمد : خل عنك هالكلام وخبرني .. أعتبرني مثل أخوك
.
.
.
بعد ما خلصت الحفله كل واحد راح على بيته .. لكن أم راشد حلفت ان أم خليفة ما ترجع هي و عيالها الشارجة .. وقالت من أصبح أفلح .. طبعاً .. صااار البيت زحمة بس حلووو .. ريم أصرت انها تخلي ميرة تبات عندها .. وطبعاً ام محمد ما عارضت .. البنات قاعدين فحجرة و يصورون .. والشباب سوالف في الميلس
خالد و مايد وايد اندمجووووا ويا بعض
خالد : مايد شو عندك شي يديد في فووونك !!
مايد : مثل شو يعني !!
خالد : يعني رنات نغمات .. فيديو .. اشياء تضحك .. صور
مايد : خذ التيلفوون وشووف شو يعجبك
خالد : يا حيك والله
مايد : بس اقول لك أي شي ما يعجبك طوفه لا تم تسوا لي فيها شريف مكة
خالد : هههههههههههههه و بعد يقدم توصيات
مايد : هيه .. ما في ّ من حد يمسك تيلفوني يستويلي مطوووع .. وهو تيلفونه متروس بلاوي سوووده
خالد : ههههههه

.
.
.
نهاية البارت الثامن
شفا الجروح
05-01-2009, 07:39 PM
يآآآآآآآي ..

آلبآرت خبآل ..

نتريآ آلتكمله ..
أسير الح ـزن ..~
05-01-2009, 07:59 PM
(( لـيي ررـرجع ـهـ ~~
صدى الشوق
05-28-2009, 08:03 PM
البارت التاسع
.
.
.
و بعد مرور الأيام اللي عدت على خير و سعادة ،، أي اليوم اللي محمد و راشد بيرجعون فيه أمريكا
أم محمد : هلا هالله بعمرك يا محمد
محمد : إنشاء لله .. و بتشوفيني رافع راسكم إنشاء الله
أم محمد : و لا تسير منا و مناك .. أنته رايح تدرس
مايد : ليش هو أول مرة يسير !! ترا سار و درس سنتين .. و كل إجازة إي .. و أنا اللي أعرفه اللي يدرس برع ما يشوف أهله إلا يوم يتخرج و يخلص
محمد : ههههههههههه .. كل واحد و كيفه .. يعني أنا ما أقدر أصبر عنكم و إلا جان ما شفتوني إلا سنة 2012
ميرة : عادي أنته لا تي .. أحنا كل ويكند بني عندك
أم محمد : محمد .. ليش ما تنقل أوراقك من أمريكا و تدرس فالبلاد .. لازم يعني تسافر .. شوف خليفة ولد عمتك .. ما شاء الله عليه .. نسبته كانت أعلى منك و ما قال سافر أدرس برع ..
محمد : أمايه .. خليفة ولد عمتي غير و أنا غير .. و أنتي تعرفين أني أدرس طيران .. يعني لو درست فالبلاد بدرس هندسة طيران .. و أنا خلاص درست أول سنتين فأمريكا .. و ما باجي إلا ثلاث سنوات و إنشاء الله بتخرج .. و السنتين اللي طافن كنت كل يوم اتصل و كل ما يعطونا أجازة حتى لو أسبوع كنت أي .. و خلاص أنا درست فأمريكا و بكمل دراستي فيها
بو محمد : أنته قول إنشاء لله .. و يلا عن تتأخر ترا راشد توه اتصل
أم محمد : ما أوصيك على عمرك
بو محمد : لا توصين يا أم محمد ولدج ريال و ما ينخاق عليه .. و أنتي تعرفينه زين
و بعد دقايق يدخل راشد و يسلم على عمه و بعد ما خلص طلع هو و محمد
راشد : أنا بروح المطبخ بشرب ماي و بي السيارة
محمد : أوكي
راشد دخل المطبخ و انتبه لميرة
راشد : السلام عليج ميروووه ..
ميرة : و عليكم السلام رشووووود ..!
راشد : يا خي أنا جم مرة قايل لج لا تقولين رشود .. اسمي الشيخ راشد
ميرة : يوم بتحترم نفسك و بتقول لي الشيخة ميرة .. عاد هاك الوقت بقول لك الشيخ راشد
راشد و هو بغمز لها : أنا الشيخ راشد .. و أنتي الشيخة ميرة
ميرة ترد عليه : ونااااسه صح !!
راشد بجدية : المهم بقولج شي بسرعة
ميرة بفضول : شوووو !!
راشد : تعرفين واحد كان يحب بنت خالته و هو سافر يدرس برع .. و يوم رد عرف أنت بنت خالته عرست و خذت ولد عمها !!
ميرة : أنزين و شو يعني !!
راشد فخاطره [ مشكله اللي ما يفهمون ] : خلاص ما شي أنسي .. و يلا تحملي بعمرج
ميرة : أند يو .. و لا تنسى أخويه لو سمعت أنك ضربته و لا ما عطيته ياكل يا ويلك مني
راشد : ههههههههههههههه
و يدخل محمد المطبخ
محمد : ما شاء الله .. أنا قاعد فالسيارة و الأخ قاعد يسولف
راشد : سوالف شو الله يهداك .. البنت توصيني عليك .. [ و يصد صوب ميرة ] لا تحاتين يا بنت العم .. أخوج فعيوني
محمد : شو رايكم انتو تقعدون تسولفون و أنا أدخل عند أمي !
ميرة : لا الصراحة مب موافقة .. بعدين إذا رحت عند أمي أخافها تهون و تقول لك خلاص لا تدرس أقعد فالبيت بطالي و كل شهر بعطيك راتب ..
راشد : الله قعده فالبيت أكل و نوم و قعده ع النت و طلعه ويا الشباب .. و نهاية الشهر راتب .. الصراحة كشخة .. سووا لي واسطة
محمد : أقول يلا طوف جدامي .. بعدنا نضرب خط لدبي و تعرف دبي زحمة ولين ما نوصل المطار و إلى أخره
ميرة : الناس تطوره ما يقولون و إلى آخره .. تقول ألف لام خاء نقط
محمد : خلينا التطور لج .. يلا ميرة ذاكري زين و ما تقعدين ع النت وايد .. و نبغي نسمع أخبار حلوة
ميرة : إنشاء الله ..
و طلعوا محمد و راشد متجهين لمطار دبي
.
.
.
فالشارجة و تحديداً عند خالد و ربعه كانوا فالمزرعة .. ضحك ، سوالف ، طيش شباب
خالد و هو يدخل : شباب ترا الماي خلص .. صدق بخلاء .. الناس يوم تشتري الشي تشتري درزن و كراتين مب أنتو شارين دبتين ماي
حمد : الحين يا عيسى و لا عمر واحد منكم يروح يشتري
عيسى : و ليش نحن بالذات !!
حمد : لان محد عنده سيارة غيركم
عمر : خلاص عن الحشرة أنا بروح ..
و طلع عمر و كانت الساعة 6 المغرب ،، و مرت ساعات و عمر بعده ما رجع ،، و خالد يتصل به و ما يرد عليه
حمد : الصراحة عمر تأخر .. الحين الساعة 9 و هو بعده ما رجع .. أكييييد الشرطة زخته
عيسى : لا تفاؤل عليه .. و ليش الشرطة تزخه !
حمد : يا الذكي عمر ما عنده ليسن .. و ما خذ سيارة الدريول
خالد : الحين في احتمالين .. يا أن الشرطة زخته .. أو الدريول قال لأبو عمر و الحين عمر توهق
عيسى : أبو عمر مسافر .. و بعدين هو رايح الشيشة اللي صوبنا يعني مب بعيد وايد
أحمد : لا تخافون عليه هو مب ياهل .. الحين بي .. قوموا خلونا نظهر برع
عيسى : خالد قوم خلنا ندور عليه
و طلعوا خالد و عيسى .. و بعد مسافة قصيرة مشوها عالشارع العام .. شافوا سيارة تحترق و يوم و صلوا صوبها تفاجئوا أنها سيارة عمر .. النار تحرقه و السيارة مقلوبة .. و ينزلون خالد و عيسى من السيارة و يركضون جنهم ميانيين .. و يحاولون يطلعون عمر من السيارة .. و تفاجئوا أكثر يوم شافوا نص جسمه محترق .. لكن عمر حي .. و بعد دقيقة عمر يفتح عيونه و يصارخ
عمر : النار .. الناااااااااااااااااااار
و ينزلون الرياييل من السيايير و يحاولون أنهم يطلعون عمر من السيارة لين ما توصل سيارة الإسعاف
عمر و هو يصارخ : ما شي فايدة .. أنا بموت
خالد و الدموع فعيونه : استغفر الله العظيم
و غمض خالد عيونه
عيسى : كيف بنتحمل نشوف ربيعنا يموت جدامنا
واحد من الشباب : أخوي استحمل شوي نحن سوينا اللي علينا .. الحين الإسعاف بتوصل
كل الناس اللي كانت صوب الحادث حسوا برعب .. و يصرخ عمر صرخة و بعدها لفظ أخر أنفاسه
.
.
.
ميرة : ميود عاد .. يعني أنا ما بسوي شي .. تعرف لابي الشاشة منكسرة !
مايد : أنا قلت لج لابي ما تمسينه
ميرة : أوووووف .. أوكي روح ييب لي لابي من محل الكمبيوتر
مايد : لا و الله .. و متى أنا ستويت بشكارج !!
ميرة : اللي يخدم أخته مب يعني بشكار ..
مايد : بعدين أنا أكبر منج يعني ما يستوي تأمرين عليه
ميرة : إنشاء لله .. و الحين ممكن استخدم لابك !
مايد بكل برودة : لا
ميرة : أوكي و بعدين يوم بتقول لي سوي لي و الله ما أسوي لك شي
و قامت ميرة و يوم وصلت صوب الدري
مايد : خلاص تعالي خذي لابي و عندج ساعة لا غير .. و طرشي الدريول ايب لابج إذا مخلص .. عطيه الفاتورة و قولي له اسم المحل
ميرة : أوكي
.
.
.
نهاية البارت التاسع
Śвσятџά 5βaŁ
05-29-2009, 01:33 PM
وآآآو روووعهـ وربيـ انهآآ القصهـ نآآيس

تسلمـ ايدجـ وربيـ لاهآآنجـ
°●[تۈأم دلۈعة بۈظبي]●°
05-29-2009, 10:07 PM
السلآآآم علييييييييكم ورحمة الله وبركآآته ::


تسلمين خيتووو ع القصه ^^

ربي يعطيييييييييج آلف عآآفيه ..~

نتريآآ الزود من صووبج حبوبه ..~

تقبلي مروري ْْْ
صدى الشوق
06-06-2009, 08:30 PM
آلڛلآم عليڪم . .

يمڪن فيـ نآڛ مآ حبۅآ آلقصـﮧ . . ۅ آعٿبرۈهـِآ ڛخآفآٿ . . ۅ يمڪن نآڛ آنڜدۅآ لأحدآثهآ . .
آنآ مآ آريد آطۅڷ عليڪم . . بڛ آنآ آڪٿب آلليـ يجۅڷ فيـے مخيلٿيـے . . ^_^ . . ۅ آڜڪر آلعيۈטּ آلخفيـﮧ . . آلليـ ٿقرآ بڛ مآ ٿڜآآآآآرڪ فيـے آلردۅد . .
صدى الشوق
06-06-2009, 08:35 PM
و شحالهم أعضائنا الحلوين اللي متفاعلين بحماااس مع القصه . .

عساهم بخير هالمره يايبتلكم البارت العاشـر و اتمنى انه يعيبكم . .

طبعاً يمكن انا مصختها بقووووه لان الاحداث تمشي بطئ . .

لكن عاد شو اسوي بعمري .. ما عليه استحملوني . .

البارت العاشر

.

.

.

الغرفة مظلمة بس في ضوء خفيف من ليت الشارع داخل من الدريشة ،،

خليفة يلف ويهه صوب سرير سلطان : سلطووون .. نمت

سلطان : هيه .. شوفني أحلم .. بغيت شي !

خليفة كان يفكر بأخوه خالد : اممممم لا خلاص برايك .. تصبح على خير

سلطان : قول اللي عندك أعرفك ما تنام لين ما تخلص سوالفك شرات اليهال

خليفة : الحين أنا شرات اليهال .. أوكي سلطوون شووف منو بيسولف وياك

سلطان يعرف أن خليفة ما ينام لين ما يقول كل اللي فخاطره : بتقول و لا أقوم لك

خليفة : خالد !!

سلطان : خير إنشاء الله شو فيه !!

خليفة : ما فيه شي .. بس ما أدري متى بيتعلم و بيكبر عقله .. ما أدري متى بيتعلم الصح من الغلط ..

سلطان : أنته أقعد وياه و رمسه .. حاول أنك تتقرب منه ..

خليفة : أنا رمسته أكثر من مرة .. بس بحاول وياه مرة ثانية .. و إنشاء الله يعقل

.

.

.

مايد : و أنا شو عرفني شو بيستوي يوم الثلاثاء !

ميرة : شغل مخك شوي .. فكر و بتعرف

مايد : ما أقدر أفكر .. قولي شو بيستوي يوم الثلاثاء و ريحيني !

ميرة : يا الذكي يوم الثلاثاء بيكون التاريخ 2

مايد : أي نو

ميرة : صدق غبي .. يوم الثلاثاء بيكون عيد ميلاد محمد

مايد : اهاا .. كل عام و هو بخير مقدماً ..

ميرة : قل لمحمد مب لي أنا .. بس يا خوفي أنه يفتح الهدية

مايد : أي هدية !!

ميرة : أنا حطيت له هدية فشنطته بدون ما يعرف بس ما ابغي يفتحها إلا يوم الثلاثاء

مايد : و ليش ما قلتي لي .. أنج بتشترين له هدية !

ميرة : لأني كنت أعرف يوم بقول لك بتعد تستهبل و أنا مب متفيجة لك

مايد : عيل أنا بسوي فيج حركة نذالة و بتصل الحين به و بقول له

ميرة : بس أنا بتصل قبلك و ما بتستوي حركة نذالة

و اتصلت ميرة فمحمد .. و بعد السلام

ميرة : محمد أنته فتحت شنطتك !!

محمد : هيه ليش !

ميرة : أوكي أسمع .. إذا شفت كيس لونه أحمر و عليه حرف الـ m بالمخمل الأسود .. هاي هدية عيد ميلادك مقدماً .. بس بشرط أنك ما تفتح الكيس إلا يوم الاثنين الساعة 12 بليل يعني بتكون أول ساعة من يوم الثلاثاء أوكي

و وعدها محمد أن ما يشوف اللي فالكيس إلا يوم الثلاثاء

.

.

.

روضة و عواش ينزلون من الطيارة و يدخلون مطار الأردن و يستقبلهم حمد اللي كان ريح قبلهم بيومين

روضة : يا ربي أنكسر ظهري من القعدة

عواش : هيه و الله يبالي جلسة تدليك

روضة : ما أروم عليج أنا يا أم التدليك

حمد مقاطعهم : و أنا أقول ليش الأردن اليوم منوره ..

روضة : بسم الله أنته من وين طلعت !

حمد : طلعت من بطن أمي

عواش : أقول حمود نحن الحين واصلين و تعبانين .. فيعني لو تسمح توصلنا السكن ..

حمد : خليني بسولف ويا حرمتي شوي

عواش : أول وصلني السكن بعدين أطلع وياها و روحوا وين ما بتروحون .. و الله تعبانه

حمد : ههههههههه محد قال لكم تدرسون بعيد

عواش : أقول أسكت مب متفيجة لسوالفك المملة

حمد : الحين أنا سوالفي مملة .. رواضي شوفي عواش شو تقول عن ريلج أونه سوالفه مملة .. و الحين عوشووه دوري حد يشل أغراضج .. حشا ناقلة البيت كله

روضة : لا و أكثر شي أكل .. أنا خاطري أعرف وين هذا الأكل يروح

عواش : هب هباج بتحسديني .. الحمد لله جسمي و عاجبني تقدرين عليه أنتي أصلاً

حمد : بس تصدقين فديتني أنا أخوج أحلى عنج .. صح رواضي

روضة : حمد .. تراه مداح نفسه يباله ...

حمد يقاطعها : يباله بووووووووووووووسه ههههههههههههه .. و أخيراً رمستي

روضة : وايد مصدق عمرك ..

و راحت عنهم لسيارة أونها زعلت ، و لحقتها عواش ،، و بعدين لحقهم حمد اللي كان محمل أغراض اللي يشوفه يقول بينتقل ههههه ،، حمد طرش مسج لروضة

" فديت الحلوين الزعلانين ،، يا كيف تزعل و أنت تسوى عيوني ،، رواضي أحبج "

.

.

.

بعد مرور الأيام .. اليوم الاثنين 1\ رمضان

بداية شهر الرحمة ، شهر المغفرة ، شهر التوبة ، في هذا الشهر القلوب يتصافن ، وتزيد صلة الأرحام

ريم أول ما رجعت من السكول بدلت ملابسها و صلت الظهر و نزلت على طول ع المطبخ ، لأن اليوم بيت عمها بيفطرون فبيتهم ، هذا عرف متبع في كل رمضان يمر عليهم ، كل يوم يكون الفطور فبيت واحد من العايلة

ام راشد وهي تقطع السلطة : سليتا .. شوفي الفرن .. لا يحترقن الفطاير

سليتا اللي قاعدة تغسل الصحون : زين ماما

ريم و تدخل المطبخ : السلام عليكم

ام راشد : هلا و عليكم السلام .. شحالج بنتي !

ريم و تروح تحب راس أمها : والله راسي أحسه بينفجر من الصداع ..

ام راشد : أنزين روحي ريحي لوقت الصلاه .. أحنا خلصنا كل شي

ريم و تقعد على الطاولة : لا ما يخلصني أنام راسي بيصدع زيادة .. بروح أقراء قرآن ..

ام راشد : زين يا بنتي اريدج تختمين عني ختمة عشان نوهبها عن روح أمواتنا ..

ريم : إن شاء الله ..

سليتا : ماما بس هزا كوبس ..

ام راشد تكلم سليتا : أنزين طلعي الصينية .. ودخلي الثانية ..

ريم : امايه شو مسوين على الفطور !!

ام راشد : مسوين ثريد لحم .. وعيش برياني دياي .. و فطاير جبن و لحم و سمبوسة خضرة .. وعاد سليتا سوت كيكة سوده ..مال كاكاو .. وسوت .... روحي شوفي ما اعرف شو حتى اساميهن ..

نقزت ريم من فوق الطاولة .. وراحت تشوف .. ما شاء الله يكفي لقبيلة كاملة .. من كثر ما يوعانة .. خافت تاكل .. فطلعت برع المطبخ ..

في هاللحظه دق جرس البيت ..

ريم بصوت عالي : أنا بفتح الباب برايها سليتا ..

و راحت تركض قبل لا توصل باب الحوش .. وقفت و عدلت شكلها كانت لابسه جلابية عنابية كلها قطع معدنية ذهبية .. و شيلة محددة على الأطراف بلون ذهبي و كان قريب وايد من لون الجلابية .. بعد ما فتحت الباب و وقفت ورا الباب

ريم : منو !!

خليفة بابتسامه لأن عرف صاحبت الصوت : أنا

ريم عرفته بس بغت تستهبل : منو أنته !!

خليفة فخاطره [ أنا اللي أحبج موت ] : أنا خليفة ولد عمتج

ريم : تفضل .. بس أنته ليش ياي اليوم الاثنين

خليفة : لأن خلاص خلصت جامعة و بعد رمضان إنشاء الله بتخرج .. و أنا يايب أغراض و بروح

ريم : شو من الأغراض !!

خليفة يريد يشوفها : خذي و بتعرفين

ريم طلعت من ورا الباب عسب تاخذ الأغراض من أيد خليفة .. و خليفة قاعد يتأملها

ريم : خليفة الأغراض

خليفة و ينتبه عليها : هيه .. تفضلي ..

الأغراض عبارة عن أكياس .. وحده فيها لقيمات .. و علبه كبيره شوي شكلها من اللولو .. فيها قطع كيك صغيره و تشيز كيك .... الخ

ريم : ليش عبلت على عمرك ..

خليفة : لا عباله و لا شي ، كنت ما خذ أغراض لبيتنا و قلت أزيد ليكم

ريم : اوكي مشكوور .. بس ليش ما يبت عمو و خلود !!

خليفة : أقولج أنا ياي من العين ...

وشالت الأكياس الصغيرة .. وهو شال الأكياس الباجية .. وهو لحقها بس يمشي بشوي شوي عسب ما يوصل بسرعة .. وصلت لحد المطبخ و شافتها أمها شايله أكياس ..

ام راشد : شو هالاكياس اللي في ايدج !!

ريم : هذا خليفة ولد عمو يايب أغراض

ام راشد : وينه هو !

ريم : هنا في الحوش ..

ام راشد : روحي ناديه ..

راحت ريم تنادي خليفة .. كان واقف قريب من المطبخ ..

ريم تناديه بصوتها الناعم : خليفة .. قرب ماماتي تريدك !!

خليفة و تقدم صوبها : فديت ماماتي انا

وراح عنها ..

هنا ريم بدال لا تلحقه صوب المطبخ .. لفت من قدام البيت و دخلت الصالة و راحت غرفتها .. ويهها صاير احمر وتحس انه صار حر ..

في المطبخ كان خليفة يخلي الأكياس فوق الطاولة وراح يحب راس حرمة خالة اللي يعتبرها أمه من طيبتها

ام راشد : حبك ربك يا ولدي .. ليش مكلف على عمرك

خليفة : لا كلافة ولا شي .. خذيت للبيت وشتهيتلكم شوي من هالاشياء ..

ام راشد : الله يعطيك الصحة و العافية يا ولدي .. عيل لا تطلع باقي نص ساعة عن الأذان .. ما بتلحق توصل الشارجة .. روح أقعد مع خالك في الميلس ..

خليفة : لا عموه بروح .. ربيعي عازمني اليوم .. و إنشاء الله باجر بني أنا و أمي و أخواني

ام راشد وهي تطالع خليفة بحب : الله يعطيك على قد نيتك يا ولدي .. و يرزقك ببنت الحلال ..

خليفة ابتسم من قلب : أمين يا رب العالمين .. و يالله انا استأذن

و راح الميلس سلم على خاله .. و خاله أصر عليه أن يفطر عندهم بس هو تعذر لأن ربيعه سلطان عازمنه ..

.

.

.

في الاستراحة كل بنات السكن كل وحده يايبه فطورها ..

عواش يايه من بعيد و تتحرطم لأنها نايمه و محد قومها عسب تفطر : ما شاء الله عليكن .. فطرتن .. و انا عادي أكمل اليوم بطوله صايمه .. حتى محد افتقدني ..

هند و هي تحطي أيدها على حلجها : اوهوووووو نسيناج ..

روضة : عوااشي تعالي أقعدي بسرعه ..

و يات و قعدة من بين هند و روضة .. و جمعولها كل وحده من فطورها لأنها ما تلحق تروح تييب فطور ..

و بعد ما خلصن نظفن المكان .. و كل وحده راحت غرفتها عسب تريح شوي .. لأنهن طول الوقت مشي و كراف في الجامعة .. وايد تعب ..

روضة بعد ما خلصت مصليه .. بندت الليتات مال غرفتها ودخلت تحت اللحاف تريد تنام .. لكن قبل لا تخلي راسها عالمخده .. دخلت هند وهي تسحب لحافها .. وراحت تنسدح صوب روضة ...

روضة : خير داخله علي جذا شو عندج ..

هند : أريد أنام عندج .. وسعي لي ..

روضة : ليش تضيقيها علي و الله موسعنها .. الحين كل وحده عندها غرفة و عندها سرير .. و يايه تزاحميني ..

هند : تعرفين أن كل شي بالمشاركة يحلى ..

روضة : ههههههههههه أريد اعرف كيف تجهزي الكلام يا المكارة ..

هند : خلاص انا بنااام لا تكلميني .. عسب بعدين أقوم أصلي التراويح و أذاكر ..

روضة : إن شاء الله عموووووه ..

.

.

.

نهاية البارت العاشـر
بنت فجيرة
07-05-2009, 05:44 PM
يسلمووووووووو على هذه

الكلماااااااات الحلوة واااااااااايد

و الف شكر و تقدير