:.:.سهرة مع عضو.:.: ضيفنا: نسيت أنساك

[A.D.M.I.R.A.L]

بسم الله الرحمن الرحيم

الفكرة:

هي جلسة للحوار مع عضو عن أي شيء تتضمن عدة فقرات ومن خلال هذه الفقرات سنضع فكرة عن العضو ولكن بطريقة جديدة.

توضيح:

يتم إرسال ما هو مطلوب من الفقرات برسالة خاصة لي من أي عضو لأكتبها للضيف بالموضوع ولكن لن يتم كتابة أي شيء عن الإسم المستعار للعضو [يعني تكتب الأسئله والمطلوب وما بكتب نك العضو]..

ماهي الفقرات:

-من القلب [يكتب كل عضو رأيه الشخصي بالعضو وشخصيته دون أن يعرف الضيف عن شخصية صاحب الرأي]

-سؤال وجواب [تكتب أسئلة لصاحب الموضوع وأيضا دون الإفصاح عن العضو صاحب الأسئلة]

-رسالة خاصة [يوجه فيها كل عضو رسالة إلى عضو بانتقاد أو تشجيع دون أن يعرف الضيف عن هوية العضو]

-شخصيات [هي إختيار شخصيات من المنتدى أو خارج المنتدى ليعبر الضيف عن رأيه فيهم وترسل في رساله خاصة لي]


فقرات خارجية:

هي ما أنا سأعتمدها وذلك بعد كل الفقرات السابقة وستعرفوها فور إستضافة العضو.





عضو الليلة [نسيت أنساك]

تذكروا يتم كتابة كل شيء في رساله واحده.. الموضوع سيغلق إلى حين بدء السهرة..

[A.D.M.I.R.A.L]

نسيت انساك

هو عضو حبيناه وعرفناه بمشاركاته البسيطة .. ما اعرف عنه وايد بس من مشاركاته

امبين انه شخص قمة في الأخلاق .. يسمونه [شـ.....] <<هو يعرف شو اقصد ..

خفيف الظل ومتميز بالمنتدى ووجوده له قيمته ..

[A.D.M.I.R.A.L]

قبل لا نبدا الفقرات الاساسية ..

نسيت انساك .. ممكن تعرفنا على نفسك في 3 سطور ؟ ..

[NESAIT ANSAK]

ههههه

ها شو يسموني !؟ خخخ


أنا ولا انته >< ؟


----


أول شي أنا اشكرك ع الكلام الطيب اللي كتبته فوق ^^


وشكرا ع اختيارك لي ,, اني اكون ضيف لهالسهرة ^^


___



قبل لا نبدا الفقرات الاساسية ..

نسيت انساك .. ممكن تعرفنا على نفسك في 3 سطور ؟ ..



نسيتـ أنساكـ !!


عضو عادي .. حاله من حال اي عضو ..


أحب المنتدى واللي فيه .. ^^


علاقتي مع الأعضاء الحمدلله طيبة ,,


وهالقسم احلى قسم عندي ^^


واغلب مشاركاتي فيه ..



اممم الحمدلله انا انسان قنوع ..


وارضى بأي شي ..


واللي ايي من الله حياه الله ..


وووو وبس


ماعرف شقول خخخ !!

[A.D.M.I.R.A.L]

لا أنت هههه ..

انزين تريا بجهز فقرة من القلب ..

[NESAIT ANSAK]

هههههه


وانا ف الانتظار ^^

[A.D.M.I.R.A.L]

فقرة .. من القلب.. ماشاء الله محبوب انت من الاعضاء..

المهم انت اكتب أرائك عن كل الرسايل .. وحاول تتوقع اللي قايل هالكلام ..

شخصيتك مرحة واجتماعية .. وعديت مرحلة التفكير ووصلت مرحلة الإبداع .. وإن شآء الله تستغل هالإبداع في طلب العلم ..

جمالك المحتشم خلاك شخص محشوم
وعفافك النادر يزيدك في عيني طور
مثل القمر نور وجهك في الظلام الكتوم
واذا تبسمت مثل الشمس عند الظهر


طيوب وعلاقتك مع الاعضاء ما عليها خلاف

جريء لكن أحيانا جرئتك ما تساعدك

يا طيب القلب وينك .. حرام تهجر ظنينك .. محتاج لك يا حياتي

[A.D.M.I.R.A.L]

هاي توها وصلتني ..

نسيت انسااكـ عضوو عرفته بردوودهـ

انسان اخلاااقهـ حلوو ه ردوده داايم تعجبني

واحسه متوااضع واتمنااله التووفيج انشالله

[NESAIT ANSAK]

الله يستر بس ,,


يالله بنجوف اللي ف القلب ^^




شخصيتك مرحة واجتماعية .. وعديت مرحلة التفكير ووصلت مرحلة الإبداع .. وإن شآء الله تستغل هالإبداع في طلب العلم ..



( الحمدلله اني عديت مرحلة التفكير ,, وبصراحة نظرتك حلوة ^^ واتمنى هالشي دوم ف بالك )




جمالك المحتشم خلاك شخص محشوم
وعفافك النادر يزيدك في عيني طور
مثل القمر نور وجهك في الظلام الكتوم
واذا تبسمت مثل الشمس عند الظهر


( ^^ شو هالكلامات الحلوة ,, أنا أقدّر اللي يقدرون الجياكر ^^ .. تسلم حبوب )





طيوب وعلاقتك مع الاعضاء ما عليها خلاف



( الحمدلله ,, وان شاء الله دوم .. )




جريء لكن أحيانا جرئتك ما تساعدك


( الجرأة صفة جميلة واللي ف القلب يطلع بس ف الأوقات المناسبة .. وكل شي وله وقته .. ويمكن الجرأة ما اتساعدني ف الوقت اللي مب لصالحي اني اتجرأ ومع ذلك مجبور اني اكون جريء )




يا طيب القلب وينك .. حرام تهجر ظنينك .. محتاج لك يا حياتي


( اوب .. أغنية وايد حلوة ولها ذكريات .. ^^ // دوما بالمحبة نلتقي ,, ^^)



_______


بصراحة التوقع صعب ..


كذا عضو يا ف بالي ..


ما قدرت أثبت ع عضو ,,


ان شاء الله ف الردود اليايه بقولك ^^

[NESAIT ANSAK]

احم


هذا وينه من 24 ساعه :212:


خخخ ( سوااالف ^^ )


افا عليك خلجاوي ..



نسيت انسااكـ عضوو عرفته بردوودهـ

انسان اخلاااقهـ حلوو ه ردوده داايم تعجبني

واحسه متوااضع واتمنااله التووفيج انشالله


( الحمدلله وان شاء الله دوم هالفكرة ف بالك .. واحس انك انت بعد متواضع ^^ )



.

[A.D.M.I.R.A.L]

ههههه ما عليك زهب نفسك لهالفقرة .. سؤال وجواب ..

[NESAIT ANSAK]

انا دومي مستعد ^^


.. ان شاء الله اتكون الأسئلة (خفيفة وحلوة وسهلة ) والله يقدرني ع الإجابة ..

[A.D.M.I.R.A.L]

اممم .. فقرة سؤال وجواب ..

فقرة صغيرونه وحلوه .. نتريا أجوبتك ...

غمض عيونك دقيقة و اتخيل انك صاحب المنتدى

شو هو اول قرار راح تتخذه ؟؟؟


شو الحب في نظر نسيت انساكـ

واقف :~ شو أصعب موقف مر عليك ، وشو أحلى موقف مر في حياتك ، وشو أكثر موقف مضحك تعرضت له ..

شو إسمك؟

شو أهم مرحله مرت بحياتك؟

لو طلع لك مارد المصباح .. شو بتطلب منه ؟

[A.D.M.I.R.A.L]

هذا توه وصل فرش ..

- شو طموحك في الحياة ؟
- منو أعز أصدقائك في المنتدى ؟
- شو تعني لك الصراحه ؟
- ليش ما تغير المود ههه ؟

[NESAIT ANSAK]

وأخيرا خخخ



غمض عيونك دقيقة و اتخيل انك صاحب المنتدى

شو هو اول قرار راح تتخذه ؟؟؟


( هههه اني أشيل الألوان من نكات المشرفين والمراقبين وكل النكات الملونة واخلي كل الأعضاء بلون واحد ... خخخ عسبة محد يشوف عمره ^^ )





شو الحب في نظر نسيت انساكـ


( الحب هو كل شي بالنسبة لي .. والانسان من غير الحب يكتئب وما يحس بطعم الحياة .. مب شرط انك تحب وحده وخلاص لا لا لا .. حب الله ورسوله .. الاصدقاء ,, الوالدين .. الخ ... عسبة محد يفهمني غلط ^^ .. )




واقف :~ شو أصعب موقف مر عليك ، وشو أحلى موقف مر في حياتك ، وشو أكثر موقف مضحك تعرضت له ..


( أصعب موقف : وايد مواقف صعبة مرت ف حياتي .. والموقف اللي يه ف بالي الحين .. اني كنت ف عرس والكل من حولي مستانس .. وأعز وأحن انسان على قلبي ف غرفة العمليات ويسوون له عملية صعبة ونسبة نجاحها بسيطة .. كان موقف صعب .. وكنت مجبور اني اكون ف فرحه ونفسي حزينة .. ,, الحمدلله ع سلامته والله يحفظه من كل شر )

( أحلى موقف : بعد وايد مواقف حلوة خخخ .. امم هيه انه الهدية اللي عطيتها للأنسان اللي ذكرته فوق ف عيد ميلاده وصلت ف التايم المناسب ,, وأحلى شي يوم كلمني من بعدها خخخ )

( موقف مضحك : خخخ اليوم الظهر اول مره ارقد واقفل باب الغرفة ... واخوي مكيف غرفته مدري شبلاه .. الحبيب يبي ينام ف غرفتي وانا طبعا نايم ومستحيل اقوم لو شو يصير .. المهم حاول وحاول بس للأسف ما قمت .. بالليل يوم قمت خبروني انه مسكين حاول يقومني بس ما قدر .. ورحت ادخل غرفته عسبة اشوفه .. وربي مت من الضحك خخخخ نايم ومتسبح بالعرق .. حرارة فظيعة ف غرفته ومدري ليش مشغل المكيف .. بس يطلع صوت خخخ )






شو إسمك؟

شو أهم مرحله مرت بحياتك؟

لو طلع لك مارد المصباح .. شو بتطلب منه ؟


( اسمي نسيت أنساكـ !! )

( أهم مرحلة : مرحلة الدراسة هي احلى وأهم مرحلة مرت ف حياتي ^^ )

( المارد : اممم مقدر أقول لأني ما أؤمن بهالسوالف .. لأنها تدخل ف كذا امور .. .. ما يصير اصلا ^^ )





_____




احم .. الحمدلله عدت المرحلة على خير ..


خلجاوي ... شو باجي ؟! خخخ

[A.D.M.I.R.A.L]

باقيلك رساله خاصه وشخصيات ..

الحين بحط لك رساله خاصه ..

[NESAIT ANSAK]

ههههه


مبين انه وايد يسأل ..


يالله بجاوب ع اسئلته ..



- شو طموحك في الحياة ؟


امم طموحي اني ارفع راس امي وابوي واخليهم دوم راضيين علي ووووبعد شسمه هيه واطمح اني اكمل دراستي ^^ ومابي اوقف لأي شي ..




- منو أعز أصدقائك في المنتدى ؟


راعي اللكزس : صديق واكثر عن اخوي ,,

مستر لونلي ..

وشي غيرهم بعد .. ^^




- شو تعني لك الصراحه ؟


اممم الصراحة لابد منها .. وان احب الانسان الصريح ,, ودومي احط ف بالي انه ضد الصراحة : الجذب , واهنيه المصيبة ><



- ليش ما تغير المود ههه ؟


اذا يهمك بغيره .. ومنو يهتم اصلا بمودي انا اهئ اهئ





____

[A.D.M.I.R.A.L]

فقرة .. رسالة خاصة ..

خلونا نشوف الرسايل..

نسيت انساك .. اتمنى انك تستمر على هذا المجهود الطيب

و تفاعلك فالمنتدى ما يقل ..

و اتمنى لك كل التوفيق و الخير ف حياتك ..

لك بصمه مميزة الصراحه ..
ما عندي أي انتقادات، أكتفي بالشكر على جرأتك
و مجهودك في قسم الحوار و ردودك الطيبه ، ،
و إن شاء الله نلاقي منك التميز والابداع في كل أقسام المنتدى
موفق إن شاء الله

لنفسُ تبكي على الدنيا وقد علمت *** أن السعادة فيها ترك ما فيها

لا دارٌ للمرءِ بعد الموت يسكُنهـا***إلا التي كانَ قبل الموتِ بانيها

فإن بناها بخير طاب مسكنُـه *** وإن بناها بشر خاب بانيها


ليتك تجي وتجس شوقي ومعناي...وتشوف قلبي كيف لابس غرامك

واستمر بهالمنتدى لاننا نحتاج ناقد واديب وشاعر مثلك ولا تحرمنا من طلتك الحلوه على المنتدى

[NESAIT ANSAK]

نسيت انساك .. اتمنى انك تستمر على هذا المجهود الطيب

و تفاعلك فالمنتدى ما يقل ..

و اتمنى لك كل التوفيق و الخير ف حياتك ..


( شكرا .. وربي يوفجك ^^ )


لك بصمه مميزة الصراحه ..
ما عندي أي انتقادات، أكتفي بالشكر على جرأتك
و مجهودك في قسم الحوار و ردودك الطيبه ، ،
و إن شاء الله نلاقي منك التميز والابداع في كل أقسام المنتدى
موفق إن شاء الله



( ان شاء الله .. ربي يوفجك .. أشكرك ع التواجد ^^ )



لنفسُ تبكي على الدنيا وقد علمت *** أن السعادة فيها ترك ما فيها

لا دارٌ للمرءِ بعد الموت يسكُنهـا***إلا التي كانَ قبل الموتِ بانيها

فإن بناها بخير طاب مسكنُـه *** وإن بناها بشر خاب بانيها



( أشكرك ع الأبيات الجميلة التي تحمل ما لا يحمله البحر من فوائد ^^ ,, موفق ^^ )



ليتك تجي وتجس شوقي ومعناي...وتشوف قلبي كيف لابس غرامك


( بالتوفيج وتشكر حبوب ع الكلام الجميل )


واستمر بهالمنتدى لاننا نحتاج ناقد واديب وشاعر مثلك ولا تحرمنا من طلتك الحلوه على المنتدى



( وسنستمر ^^ .. اخجلت تواضعي ^^ .. بالتوفيج )





^^

[A.D.M.I.R.A.L]

الفقرة الأخيرة شخصيات ..

بحطها خلال ثواني .. ما بتستغرق وقت طويل

[A.D.M.I.R.A.L]

الفقرة الأخيرة من فقرات الاعضاء .. شخصيات .. عبر عن رأيك عن كل شخصية ..

الشخصيات اللي وصلتني:

تع ـب قلبي

~» رۈحــي تـۈدگ «~

الشاعر حامد زيد

عمة الحسن كله

روميو بطبعي

الإماراتي

خلجاوي ستايل

moon2

[NESAIT ANSAK]

خذ راحتك مشرفنا ..

وانا ما عندي شي ..


عادي الا بتاخر عن الدوام وبدخل محاكمة وخصم راتب وخصم اجازات وبس ..


خذ راحتك خخخخخ

[A.D.M.I.R.A.L]

وهذا توه وصل فرش ..

إمبراطور الحب

ليونيل ميسي

[NESAIT ANSAK]

تع ـب قلبي


( قروب الأمل .. محد يقرب صووبهم .. هيه بعد شو ..


اخاف اقول شي واتطرش لي انذار خخخ ( اسولف )


ردودها ومواضيعها ف التمام ..


امورها طيبة هذي .. ^^ )





~» رۈحــي تـۈدگ «~


( شخصية جميلة وكوني ما اشوفها وايد ..


ف مابي اذم خخخخ


بس معنى النك هذا كبير وربي كبير ^^ )






الشاعر حامد زيد


( يعنيلي الكثير والكثير ,, وانا من عشاقه ..

ومب مقصر باللي وياي

ذالنهم ذل إلاّ يسمعونه خخخ


حتى واحنا طالعين خط اشغل سيدياته ^^ )





عمة الحسن كله

( اقول لها .. والله آسف ,, خخخخخ )





روميو بطبعي

( أها أنا اقول شو اللي ياب ..××××... ف السالفة ..


أثاريك موجود اهني ...


خخخ


وربي هالأنسان عجبجب .. وكل يوم يقط علي مصيبة وانا اللي اتوهق مكانه ,,


بس وربي فكره واسلوبه وشخصيته بشكل عام عجييييبة ..


واكيد يعنيلي الكثير ..


مب يقولون خير خلف لخير سلف ..


اهو اللي بيورث كل شي خخخخ



تخلخلت اعظامك يا روميو .. انته شو مسوي ف ××××



اوه نسيت اتحريت عمري ف البيت وياه ,,


وجي خخ )






الإماراتي



( انسان احترمه واقدره ..


ونعم القيادة الصراحة ..


اتمنى له التوفيج ف حياته العملية والعلمية والمنتدية خخخخ )






خلجاوي ستايل


( الملقب ب شــــ××××


اوب اوب ...


هذا غير ..

النك الأخضر غير ..


وربي قايم بمجهود كبير ..


صراحة مسكتني باسلوبه ومواضيعه العجيبة ونشاطه اليومي


اتمنى هالشي يستمر .. والى الأماااااام


ربي يوفجه وعساه دوم ع القوة )





moon2


( اهني الحماس بكبره ..


كتابة , رسم , تصوير , قصص , تصميم , اتصدقون حتى ف قسم ساعدوني امس حصلتها .. خخخخ

والله يعلم اذا اهي متواجده ف الكشكول ولا لا .. لاني ما اشوف المواضيع اللي اهناك ..


ههههههه



مون 2

اهي عنوان الابداع


نشاطها يتمحور ف ذاتها ( لا تسألوني كيف )



كفو عليها الصراحة ..



وما شاء الله عليها ..



ربي يوفجها والى الأمااام دوما مون 2 ^^








______




اتمنى انه محد يزعل مني ...


احنا اخوان ^^



( سوااالف ^^ )
خخخ

[NESAIT ANSAK]

إمبراطور الحب


يعجبني


وربي يعجبني ..


تبي الصراحة ..


انا استانس يوم اشوف صورة مايد ناصر ف اي موضوع ..


لاني اعرف انه امبراطور راد ع الموضوع .. ..


انسان عنده طموح ..


ويعجبني لما يبي يفهم شخص واهو مب فاهم عليه ..



وربي يطلعون روحه .. خخخخ



الموهيم انسان 100 % أخلاق



كفو عليه وربي يوفجه ...









ليونيل ميسي



يعجبني هاللاعب ..


ساحر وربي ..


وكما يقال .. خليفة مارادونا ,,



أحب ميسي يا جماعه


خخخخ



بس مب كثر ما احب الزعلانين ^^



^^

[A.D.M.I.R.A.L]

هاي آخر أسئلة:

خلينا بشخصيات .. وما بنطلع برع .. عندي كم من سؤال لك بس عن اعضاء المنتدى:

1-منو برايك أحسن عضو بالمنتدى؟

2-من هم أحسن 5 أعضاء بالمنتدى؟

3-منو أكثر شخصيه تحسها مؤثرة؟

4-اختار عضو وقدمله نصيحه..

5-من العضو اللي تحسه لو طلع من المنتدى رح يكون له تأثير ؟

6-منو أحسن مشرف برايك الشخصي؟

7-منو العضو اللي لما تشوف نكه تبتسم ؟

[NESAIT ANSAK]

هاي آخر أسئلة:


فالك طيب حبوووب ^^




1-منو برايك أحسن عضو بالمنتدى؟

اممم سؤال صعب .. حاليا .. انا بقوولك من ناحية التواجد والمشاركات والمواضيع والتفاعل .. أقولك العضوة : مون 2


2-من هم أحسن 5 أعضاء بالمنتدى؟


مون2 : خلجاوي استايل : الاماراتي : ستورم ( شسمه ) : امبراطور الحب


3-منو أكثر شخصيه تحسها مؤثرة؟


امم امبراطور الحب : ظلال : فيراوية


4-اختار عضو وقدمله نصيحه..


راعي اللكزس: احذر عدوك مره واحذر صديقك ألف مره



5-من العضو اللي تحسه لو طلع من المنتدى رح يكون له تأثير ؟

الإماراتي طبعا ..

من الاعضاء : مون2 , خلجاوي , امبراطور الحب


6-منو أحسن مشرف برايك الشخصي؟

مون2 : فيراوية


7-منو العضو اللي لما تشوف نكه تبتسم ؟


خخخ عمة الحسن كله ..

[A.D.M.I.R.A.L]

والحين خلصنا هاليوم مقابلتنا ..

نسيت .. مستعد نكمل المقابله باجر ؟؟

[NESAIT ANSAK]

يرفع على مسامعكم أذان الفجر حسب التوقيت المحلي لمدينة مريشيد ...

[NESAIT ANSAK]

والحين خلصنا هاليوم مقابلتنا ..

نسيت .. مستعد نكمل المقابله باجر ؟؟


مستعد .. بس لو من وقت احسن ,,


يبوك انا شو يرقدني الحين خخخ



____



أشكر كل اللي اتفاعل وياي ..


وأسميكم يا أعضائنا خخخخ ×××




بالتوفيج خلجاوي ^^

[A.D.M.I.R.A.L]

خبرني الوقت اللي يناسبك ..

[NESAIT ANSAK]

ع راحتك بس مب ف وقت متأخر ^^

[&~ روميو بطبعي ~&]

خااالي يلا سيييير الصلااااااااااااااااه

خخخخخخخخخخخخ

يحليييلك و جااان تكسر خاااطري اسميييه اليووم فالدواام بيذبحوووك

خخخخخخخخخخخ

و الله يعطيييك الف عاافيه

[NESAIT ANSAK]

ههههه


لا والله


هذا كيف دش عرض خخخ


يعني انا اول مره اسهر ويا راسك خخخ

[A.D.M.I.R.A.L]

الموضوع يغلق .. وبينفتح الساعه 8 بالليل ..


بنكمل المقابله ..

[A.D.M.I.R.A.L]

احم احم .. نبدا مقابلتنا ..

زهب عمرك نسيت انساك

[NESAIT ANSAK]

انا اشوف المنتدى منور ..


خلجاوي اهني ^^

[A.D.M.I.R.A.L]

وصلتني رساله .. من [ما بخبرك] ..

بحطها لك كامله ..


من آلقلب :نسيت أنساك !!< - - أهم شي علامتين التعجب ..
شخصيه مرحـﮧ .. حبوب .. محترم .. آجتمآعي
أحسه جيـﮧ أڪشن يحب يسوي جو .. عقلـﮧ ڪبير ..
ياخذ الأمور بحڪمـﮧ عآليـﮧ وإتزآن ..
مآ يهتم بآلأمور آلتآفهـﮧ

سؤال وجواب:

شخصية نسيت انساك هي نفسها خارج المنتدى؟

قلت إذا حطوڪ آلمدير..
بتشل الألوان وبتخلى ڪل الأعضاء نفس آللون يعني ڪلهم نفس آلرتبـﮧ .. !!
برآيڪ ڪيف رآح يمشي آلمنتدى .. ؟ وهل بتقدر تتحمل مسئوليه آلمنتدى بڪبره بروحڪ ..؟
شسمـﮧ خبرڪ آللي يخربون آلمنتدى أعدادهم في تزآيد مستمر .. !!

ليش تڪتب فالمدونـﮧ بالقطاره ؟!

رساله خآصه :

نسيت أنساك !!
أحس عندڪ موآهب وإبدآعآت وآشيآء ثآنيـﮧ بس إنت متحفظ فيها لنفسڪ ..
يآ ريت لو تتحفنآ وتبرز ڪل إللي عندك .. وتستمر على المبادئ آلطيبـﮧ إللي إنت تمشي عليهآ ..
وتڪمل مسلسلڪ آلترتوب .. وربي يوفقڪ ويخليڪ

شخصيآت :

صآحب آلسمو آلشيخ محمد بن زآيد .. !

FUJ .. !

s т σ я м .. !

[NESAIT ANSAK]

من آلقلب :نسيت أنساك !!< - - أهم شي علامتين التعجب ..
شخصيه مرحـﮧ .. حبوب .. محترم .. آجتمآعي
أحسه جيـﮧ أڪشن يحب يسوي جو .. عقلـﮧ ڪبير ..
ياخذ الأمور بحڪمـﮧ عآليـﮧ وإتزآن ..
مآ يهتم بآلأمور آلتآفهـﮧ



يس يس , عليك نور .. تبي الصراحة انت لخصتني .. ويبت درجة كاملة ^^

أشكرك ع الكلام الجميل .. وان شاء الله دوم هالفكرة ف بالك ..




شخصية نسيت انساك هي نفسها خارج المنتدى؟


يمكن انا مقدر اعطيك الرد الوافي ..

لو كان السؤال موجه لحد من ربعي .. اخواني .. بتسمع الرد الشافي والوافي بعد ^^

وانا ما احب اتصنع شخصية اهي بالاساس مب شخصيتي وبعدين شنو بستفيد اذا سويت هالشي ..


خخخ اذا تبي ردي بقولك .. نعم وبالفعل وأؤكد ( خخ ) أن نسيت انساك ف المنتدى وخارجه ... هو هو ما يتغير .. ^^



قلت إذا حطوڪ آلمدير..
بتشل الألوان وبتخلى ڪل الأعضاء نفس آللون يعني ڪلهم نفس آلرتبـﮧ .. !!
برآيڪ ڪيف رآح يمشي آلمنتدى .. ؟ وهل بتقدر تتحمل مسئوليه آلمنتدى بڪبره بروحڪ ..؟
شسمـﮧ خبرڪ آللي يخربون آلمنتدى أعدادهم في تزآيد مستمر .. !!



انا ما بشيل الرتب ..

بحط المراقبين والمشرفين بس بالسر ..

احس انه محد بيغلط وانه بيسوي شي ..

بيننهم بخليهم يتخبلون .. بخليهم كل ما يبون يكتبون رد يوسوسون ..


يقولوا اوب يمكن هذا مشرف وانا مدري ..


جي السالفة ..


مثل بيت الرعب خخخ


وبعد هالطريقة ف نظري اوكيه ,, عسبة محد يشوف نفسه ويتحرى عمره غير عن الاعضاء ويسوي لعمره قصص وروايات ^^




ليش تڪتب فالمدونـﮧ بالقطاره ؟!


الله يسلمك ..


اممم انا اشوف اذا كتبت كل يوم رد ..

احس اني بصير سخيف ,,


وربي ما اقصد انهم كلهم ميانين وانا العاقل فيهم ,, لا


وبعدين شي سبب ثاني ..


تقدر اتقول اني محترف وموقع عقد والعقد له شروط .. ( خخخخ )


أول شرط : اني ما اكتب وايد ف المدونة خخخ ,


يعني هالشي مب مني كله من صاحب الشروط .. ( الله يسامحه )



وجي السالفة ..



وبعدين ان شاء الله اعوّد عمري اني ما اتأخر ع المدونة ^^




نسيت أنساك !!
أحس عندڪ موآهب وإبدآعآت وآشيآء ثآنيـﮧ بس إنت متحفظ فيها لنفسڪ ..
يآ ريت لو تتحفنآ وتبرز ڪل إللي عندك .. وتستمر على المبادئ آلطيبـﮧ إللي إنت تمشي عليهآ ..
وتڪمل مسلسلڪ آلترتوب .. وربي يوفقڪ ويخليڪ


المواهب ولله الحمد كرمالها وتزيد .. خخخ

وبعدين أنا من النوع اللي ما يحب يسكت ولا يقعد جي ..


اذا مافي شي بحياتي ,, انا اخترع واطلع هالشي ,, ولو ما عندي خلفية عنه ..



انا ما اقول والله هالشي ماعرف له ,,


علطول اييبه واقعد اشتغل فيه ..


( اللي طلعوا قبلنا للدنيا تراهم مب احسن منا ^^ )


وعن المواهب ف أنا كاتب ف المدونة ف الحلقة ( 2 ) ( دعاية × دعاية × دعاية × خخخخ )


ولو كتبت اهني ادري ما بخلص ^^







والحين جينا للشخصيات ..



صآحب آلسمو آلشيخ محمد بن زآيد .. !


سيدي ,, الله يحفظه ويطول ف عمره ..

أحب الشيخ محمد أحب فكره احب اسلوبه ..


وهيبته وعنفوانه ..


يذكرني بالمرحوم بإذن اللهالوالد الشيخ زايد طيب الله ثراه ..


ولو بكتب عن بو خالد ما يمديلي ,,,


ويبيلي وقت وربي ^^





fuj .. !


وهقتني انته !!


الحين تقصد عضو ولا الامارة الباسمة ؟!؟


اذا عضو ف انا ماعرفه وشكله ترتوووب خخخ


أما إمارة الفجيرة ..



لا لا لا لا


خليني نحكي خليني نعبر


خليني نريح ونرتاح


ع قولة الشوالي خخ


امارتي حبها ف دمي .. يسري


الفجيرة دانة الدنيا وبوابة المستقبل وناطحة السحاب ..


كيفي امارتي وانا حر فيها ..


اقول عنها اللي بقوله ..


ملزومين تنجبووون واتشوفون القاع خخخ ( انزين هدي محد غلط عليك )



بس الحديث عن الفجيرة لا ينتهي ^^





s т σ я м .. !


قبل ذا ستورم والحين ستوم والله يعلم باجر شنو نكها ..


صراحة اشكر فنك يوم حطيت لي هالنك ..


ابي اعرف ستورم جم ساعة تاخذ لما تكتب رد أو موضوع ,,


انا اوني مرات اتفلسف ابي ازخرف وجييه مثلها ..


بس الحرفنة كلها اتروح ,, وربي ملللل


اذا عندج طريقة حلوة مثلي يا ستورم فلا تبخلي علينا ...


خخخ


ستورم عضوة قديمة جدا ,, ( حتى نكها مغبر )


ولا وبعد تكتب مدونات ,,


ويوم اقرى مدوناتها جني داخل ف بيت مهجور وحصلت كتاب متييين واايد ..


ومتقطع بعد .. واقرى مدوناتها من هالكتاب خخخ ,,


يا جماعة اقوولكم هذي جديمة خخخ



وكانت مع الاعضاء الجدام ,,



انا قبل كنت ماعرف بس يتني هالمعلومات السرية من اول ما اشتركت بهذا الصرح الكبير ..


من بنت خالي اللي كانت مشتركة ف المنتدى من ايام هتلر بس ف الفترة اللي سوه فيها مجزرة لليهود خخخ ..


,,,


ستورم .. : شسمه ,, حبوبة , فاهمة , ردودها جميلة ( بس لازلت اؤكد اني اطوّل ليما آخذ من اللي كاتبتنه )


وجودها مهم ف المنتدى ..




ووو بس ,,


والله جني كاتب مدونة مب رد ف موضوع خخخ

[A.D.M.I.R.A.L]

نسيت أنساك .. تحب الأفلام ؟؟

[NESAIT ANSAK]

اممم


يس يس ,, اكيد احب الأفلام ^^

[A.D.M.I.R.A.L]

بسبب انشغال نسيت انساك .. بنكمل بوقت ثاني ..