المساعد الشخصي الرقمي

مشاهدة النسخة كاملة : فن التعامل الي اين.؟؟؟؟؟؟؟

سعود
10-06-2009, 10:44 PM
السلام عليكم والرحمة


مساء الخير الي جميع اعضاء منتدي عيون الفجيرة الطيبين




الموضوع اليوم يتكلم عن شي مهم فالحياة الامارتيه




فن التعامل مع الاخرين بطريقة دبلوماسية




هل فقدنا بعض الكلمات الرقيقة في الكلام

وبدانا نستخدم الكلمات السيه لماذاء



لماذاء عندما تذهب الي اي مكان نتشاجر مع راعي المحل
او العامل بالمحطة او الي ما اخره


الم يعد هنالك اسلوب التفاهم والين فالمجتمع ؟



لماذا نتحدث وكاننا في امريكا الاتينية ونقلد الغرب في السلوكيات السية




هل هنالك ثقافة كافية لدينا عن الغرب ؟



بعتقاد الناس ان الغرب هم اهلم الكلام السي والعادات المنحطة





ولكن بالعكس هم اهل الاحترام والوقار ليس الكل بس المنظور العام للغرب في هاذا الموضوع









هي بناء يااصدقاي



فل نعد الطيبة والمحبة والكلام المهذب الي داخل نفوسناء الكبيرة

لان الاحترام من عاداتنا وتقاليدنا











ونسمح علي الاطالة عليكم


وفي حفظ الرحمن








باي
مع تحيات
المايسترو
بسمات لقاء
10-06-2009, 11:38 PM
أبدااااااااااااااااااااااااااااااع


لي عوووووووووووووووووووووودة بعد ساعة ونصف
ĀξĵόŌόβă
10-07-2009, 04:55 PM
فن التعامل مع الاخرين بطريقة دبلوماسية يــــس يــــس

التعامل بشكل محترم يعكس صور الشخص واسلوبه

الناس الي ماعندها اسلوب فــ التعامل محد يحب يتعامل معاها

يسلموو عــ الموضووع النـــايس ^^
رعشة هدب
10-08-2009, 03:37 PM
فن التعامل والله الناس ماتعرف شو يعني حتى تعامل بتعرف تتعامل ويا الناس
والله يشوفون الناس اقل مكانه منهم مااادري ليش جي وخاااااااااصه هنيه في الامارات
حشى يعني مايقدرون الناس الاجانب مش الكل البعض منهم
ولد & السويدي
10-08-2009, 03:59 PM
تشكر يا سعود على طرح الموضوع

اهم شي عندي الصراحه وعدم المجامله

ثانيا الواحد قبل ما يطرح موضوع يشوف عمره ههههه فهمت

يعني انت وين ماتسير تحتشر


شي مستحيل يصير المجتمع كامل يتعامل باحترام

وما بتفلسف وايد

والسموحه:yaw:
سعود
10-08-2009, 04:51 PM
ولد السويدي ماعليك زود
مع انه بينا عشرة عمر لكن لحد احين موب فاهم شي مني موليه

شو اققلك بعد اذا سكتنا قلتوا ليش ساكت
واذا ضحكنا انته تنكت وايد

اذبح عمري عشانك


اونه شو اقللك بعد
:ax:
إحساس الحياه
10-08-2009, 05:29 PM
http://www.9m.com/upfiles/u8P84353.gif
http://www.9m.com/upfiles/oxp27072.gif


مرحبـــآآ الســـآآع ^^

تسلم أخويه ع الموضوع والطــرح ..

" الإحترآم " و " المعـآآمله الحسنه "

شي شبه مفقود بين الكثيــر من النـــآآس ..


وطبعــآآ التعامل و الإحترآم لهم دور كبير في بروز شخصية الفرد فـ المجتمع ..

وخــآآصة فـ نجـــآآحه ..


أنــآآ برمس من الوآقع اللي عشته وجفته ..

الصرآحه أستغرب من بعض الأشخــآآص في رمستهم وتعاملهم ..

مهمــآآ كــآآنت رتبة الشخص اللي ترمسه ..
سوآء رآعي المحل أو موظف أو حتى بشكــآآر ..
لآزم يكون في لباقه فـ التعامل .. وإحترام فـ الرمسه ..

والشي اللي فعلا فعلا يحزني .. واللي يخليني أستغرب أكثر ..

تعــآآمل طلآب المدرسه مع المعلم ..

شي صــآآر يحزن فـ هالزمن ..

أنــآآ يوم انتقلت هالسنه فـ مدرسه يديده .. الصرآحه الصرآحه إنصدممممت ..

إنصدمت .. كيف الطــآآلبــآآت يتعاملن مع المدرســآآت ..

صح فـ مدرستي الأولى كــآآن في شي من هالقبيل .. بس كــآآن في شي إسمه إحترآم فـ التعامل ..

ويوم ييت فـ المدرسه اليديده .. عيوني مبطله ع آخر شي ..

مب مصدقه اللي يالس يستوي .. احينه هالمعلمه أو المعلم بحسبة وآلدينــآآ ..

فـ حد يرضى يغلط ع أبوه مثلآ .. أكيد لآ .. عيل كيف يرضون ع أســآآتذتهم ..

والله إني أستغرب من بنــآآت صفنــآآ .. من تعاملهن .. رمستهن ويه الأبلوآت ..

يعني إبعدو مصطلح الإحترآم بعيييييد ..


والبنــآآت يوم جافن تعاملي .. إستغربن ..
غريبه ! يستغربن إذآ تعاملت بإحترام ..

أنـآآ والله مره سرت أرمس المديره عسب إنهــآآ غلطت فـ الدرجات ..
صحت والله صحت.. لآ إرآدي .. سبحان الله .. ما أقدر أقول للمعلمات أي شي بعصبيه ..

غصبن عني دموعي تنزل إذآ وآجهتهن فـ شي ..


ما أعرف كيف البنـآآت يقدرن يرفعن صوتهن ع شخص يعلمهن..
ع شخص لآزم يحترموه قمة الإحترآم ..


ما أقول إلا الله يهدي جميع المسلمين والمسلمــآآت ..


الإحترآم هو شي مهم جدآ فـ حيــآآة الإنســآآن ..
واللي يزرع الإحترآم يحصد أشيــآآء ما لهـآآ نهــآآيه ..


وإذآ تبــون النــآآس تحتركم .. إحترموهم فـ البدآيه ..

مقولة صدآم " إحْتَرِم تُحْتَرَمْ "

سمحولي ع الإطــآآله .. بس الموضوع يــآآ فـ وقته ..

والله يحفظكم ^_^

إحسـ الحيآه ـــآس


http://www.9m.com/upfiles/NfO27072.gif
http://www.9m.com/upfiles/u8P84353.gif
اليليلي.....
10-10-2009, 11:07 PM
تسلـــــم سعود ع الطرح المتميز
و الـــــــــــــــــــــموضوع الأروع


الصراحهـ صدقت فـي نـاس ليـن ألحيـن ما عندهم فن فـي التعامل مع الغير
يعنـــي إيــلك واحد و يعطيـــك فــي الويهـ لا أحم و لا دستور
و لا إذا نبهتهـ يقولك خل معك إتكيت ، أنت أول شوف عمرك
بعدين ارمــــس عن الإتكيت و غيره


هـــــــــــي بعد عيبتني هاذي :
هي بنا يااصدقائي

فل نعد الطيبة والمحبة والكلام المهذب الي داخل نفوسنا الكبيرة

لان الاحترام من عاداتنا وتقاليدنا

و اسمحلـــــي علـى الإطالهـ:ax:
مع تحيات :bt: : اليليلي.....
الحسناء
10-12-2009, 01:24 AM
السلام عليكم ورحمه الله وبركاته
تيلم اخوي سعود هلة هالمشاركه الطيبه
صراااحه الموضوع قمه في الروعه

ولي الشرف بالرد على الموضوع

اولا : بالتعامل والطيبه والادب نفرض احترامنا على الغير ^^
وأهم شيء ترى عاداتنا وتقاليدنا وتربيه الأهل ودينا يلعب دووور كبير يعني حنا شو خلينا حق الغرب دام حنا انقول هالألفاظ

كيف تبون الغرب يعترفوا بالاسلام

تقبلوا مروري على الموضوع
ولد & السويدي
10-13-2009, 12:49 AM
مختصر الموضوع

كل واحد يحاول يخلص النيه امام الناس والى رب العالمين

وانه يحترم من يحرتمه واللي مايحترمه يسويله طاف لكن بحدود

وكل واحد وتربيه اهله__والله تربيه الاهل اهم ما فالموضوع

سعود منو قالك لا تتمصخر ولا تضحك انته حلاتك يوم تضحك
هه هو هو هيهي لو شي مد ثاني بتسويه

لكن مهما كانت فلسفتك يضل قلبك طيب

اليليلي انت تحب المجامله يعني؟؟

الانسان الصريح لازم يعطي فالويه والانسان الكاذب يقعد يجامل

هذا الواقع وليس هناك مفر

مختصر الموضوع

احترم ذاتك يحترمك الناس
مروض الخيل
10-13-2009, 04:09 PM
لووووووولز
السويدي باقي ها ها ها ااااي
خخخخ
حليله سعود والله ريال طييب يستاهل كل خير

عالعموم الموضوع حلو ويستاهل النقاش
صح كلامك سعود الحترام شي اساسي فالمجتمع اصلا بدونه ما وصلوا الوزرا والنواب وغيرةوغيرة لهالمناصب
الا بالكلام الطييب والحشيم
عادات الغرب صح انها سيئه والحينه قمنا نشوف واايد ناس يقلدوهم
مثل ما ذكر اخونا الفاضل الاستاذ الملحن ولد & السويدي في موضوعه عن اللغه
ولكن نحن نتحدث بصفه عامه
ومحلا الكلام الحلو والتســامح
انا بعد بعلق على رمسه احمد
تربيه الأهل وما ادراك ما تربيه الاهل
احيانا تشوف الاهل يرمسون ويسبون وجي وهاذا انعكس على عيالهم
ونحن فكل مكان نسمع هالكلام الوصخ ونشوف هالعادات السيئه
يعني مب لازم اعدد موعروفه السبات والشتايم
وصـح لـسانـي
وننقل المايك للمايستروا سعود للتعليق على هالرمسه
تسلم سعود ما فيكـ حيله
هه هو هو هيهي ها ها
روووح لحنها له السويدي غاويه
أخاف الشووق
10-14-2009, 09:06 AM
مسى الخيير كلااامك ذهب اخووي سعوووووووووود وهذاا مب شي يديييد عليييك بس شنووو نقووول الوااحد اذاا مااتضاارب هالاياااااااام مع الشغااالة ماايرتااح فمااا بااالك فالسووق ومع الخلق:eh_s(1):


ربي يحفظك من كل شر:bt:
اليليلي.....
10-14-2009, 06:21 PM
رد لـــــــــــــــــ(ولـد&السويدي) :

الصراحهـ أنت تغـــــــــــــــار من سعود

و أنــــــا مـــا أحب المجاملــــــــــــــهـ:bad:

الانسان الصريح لازم يعطي فالويه والانسان الكاذب يقعد يجامل

هذا الواقع وليس هناك مفر

الانســان الصريــح اللــي فــي عقــل :msgplusimg1434pm9:
يعني يقول بــس مــا بدفـــاشهـ يعني يكون عندهـ اسلوب شــوي مب >>:bad:يعطي فالويه
بسم الله يقولك لازم الانسان يخلــي شــوي عندهـ>> فـن فـي التعامـل!!!!!

و بالعكـس يــا ذكــي الانسان الكــاذب هـو اللـي مـــا عندهـ مجاملـهـ بــس عندهـ دفـااشهـ >>:bad:يعطي فالويه

الانســـان اللـي فـي عقــل يقــــول: :bad:

احترم ذاتك يحترمك الناس

و تحيــــــــــــــــاتـــي:ax: للكــــــــــــــــل:bt:
ولد & السويدي
10-15-2009, 01:58 AM
اليليلي

انا ربيع سعود قبل انته ما تشوفه

واول مره اشوف انسان صريح يجامل هذي ماتركب بالعقل

واغار من سعود ليش-لو على قولتك اغار جان ما كان ربيعي بيكون عدوي

وبالعقل وابغي افهم ليش اغار منه
اقول انت يوم ماتعرف اللي بيني وبين سعود لاتتكلم
وانا ابدي الخير على سعود قبل لا اتمنا لنفسي
واذا ما مصدق اسأل سعود
وهذا اكثر من اخوي مب انت تيي اليوم وتبغي تعلمني كيف اتعامل ويا الناس
انا الحمدلله من كثر ربعي ماتم مكان الا اعرف فيه حد او يعرفوني
اذا كان تعاملي على قولتك مب شي ماكان عندي هالربع
اللي تعامله مب شي الناس يشردون منه

تدري عاد

انا مابرد عليك لان انت مب مال نقاش
مب لانه ماعندي رد بس اخافك تقفط
فحرام ارد عليك واستخسر ردي بعد
المزروعي.....
10-16-2009, 03:51 PM
ههههههههههههه
حاطين موضوع عن التعامل مع الناس وقاعدين تضاربون ههههه
سعود دخلنا في فلم هندي يوم قال انا والسويدي من بينا عشرت عمر ههه نزلت دموعي ي سعود

حبيت اشكركم في النهايه واقلكم كل واحد له اسلوب في التعامل وصعب تجبرا التعامل الصحيح مع كل الناس
والدليل على كلامي يوم من الايام سافرت برع الامارات وشفت واحد خليجي سلمت عليه ورد علي وقال ليش اتسلم انت تعرفني
قلت له لا ماعرفك سامحني شبهت عليك
شو رايكم ب اسلوبه
كاشخه في الصيفي
10-16-2009, 05:04 PM
بصراحه موضوعكم شيق انا مع الاحترام اولا انا شفت وايد ناس مامحترمين لكن شو نسوي ناخذهم على قد اعقولهم خصه اليهال يعني مجتمنا والله ضاع الناس الحين ماتحترم الي اكبر عنها عندهم قوات عين الله يصلح بالهم
تقبلوني
سعود
10-18-2009, 02:20 AM
مشكورين ع الردود الجميلة

ولاتضاربوا ولا خلاص مابنزل موضوع للنقاش والحوار



المهم يسلموا فديتك ولد السويدي

محد له خص بلي يصير من بيني وبين السويدي



لانه حيانتا قصص ف قصص



ومشكور المزروعي ومره ثانيه لاتصيح


اوكي باباتي
محققة المستقبل..
10-22-2009, 09:23 PM
فعلا التعامل يعكس طبيعة الشخص
و عن الاحترام .... احترم الناس يحترمونك

الاحترام و حسن التعامل مب لفئه معينه <= تكون شامله :eh_s(6):
ما في واحد ما يبي حد يحترمه :212:

:yaw: ( شيء من حياتي ):

أعامل الناس كلهم شرات بعض حتى الخدم
مره من المرات بشكارتنا قالت: محقـ المستقبل ـقة I LOVE U :CAM16VOT:
و في سكولنا بشكاره غمزت لي + و وحده يوم تجوفني دوم تبتسم لي

و الله انه في تعاملنا مع الغير كلما كان أحسن حبونا أكثر

و ضربت أروع الأمثله في حسن التعامل في سيرة الرسول عليه الصلاه و السلام ...

السموحه طولت شوي :h035:
تسلمـ شيخي على الموضوعـ

تقبل مروري:
أختكـ...
محقـ المستقبل ـقة :001: