جامعة عجمان

[غلطتي إني عرفتك]

]لسلام عليكم ورحمة الله وبركاته
بغيتكم ولاتردوني ولاتبخلون علي
حبييييييت اني ادرس ف جامعة عجمان للعلوم والتكنلوجيا(الفجيره)
بس ماعندي اي خلفيه عن هذي الجامعه ومعلوماتي محدوده وبسيطه جداا

بطرح لكم الأسئله وجاوبوني :70:

1. شنو التخصصات الموجوده ف هالجامعه؟
2. كيف نضامهم يعني شرات الكولج كلاسات ؟
3. دراستهم زيينه ولاا واايد يثجلون ع الواحد ؟ دراستهم صعبه ولاا سهله؟
4. مصاريفهم وااايده ولااا؟
5.شهادتهم قويه ومعترف فيها؟

يعني اناا حابه ادرس تدريس (مدرسه) للعلم:h_down:

[غلطتي إني عرفتك]

يالله مافي احد يقدر يفيدنــــي بالموضوع
أشدعوه عاااااااااد انااا ناطره مساعدتكم :grlumbrg[1]:
وييينكم:gcray[1]:

[فجراوي مثقـف]

وعليكم السلام ورحمه الله وبركاته



1. شنو التخصصات الموجوده ف هالجامعه؟


التخصصات الموجوده في جامعه عجمان فرع الفجيرة ،، طب الأسنان ، هندسة كهربائية ( فرع اتصالات ) ، إدارة أعمال ، تقنية معلومات ، إعلام وعلوم إنسانية ، الصيدلة ، والتربية ، و القانون.



2. كيف نضامهم يعني شرات الكولج كلاسات ؟


ما ادري شو تقصدين بالكلاسات ،، بس النظام عندهم تسجلين مواد معينه في الكورس على حسب الاوقات المطروحه عندهم وعدد المواد أنتي إلي تحددين مع المرشد ( يعني 4 أو 5 أو 6 مساقات على حسب قدرتج أنتي في الدراسه )



3. دراستهم زيينه ولاا واايد يثجلون ع الواحد ؟ دراستهم صعبه ولاا سهله؟



ما في شي اسمه سهله ولا صعبه ،، الدراسة دراسه في كل مكان ،، إذا حاطه في بالج بتحصلين الشهاده بدون ما تدرسين فهذا الكلام غلط
على حسب اهتمامج بالدراسه الامور بتمشي وياج ،، يعني في بحوث وتقارير يطلبوها الدكاتره لازم اتسويها ،، غير الواجبات ، وتفرق من كلية لثانية



4. مصاريفهم وااايده ولااا؟


بالنسبة للمصاريف تختلف بين كلية والثانية ،، بس عندهم الساعه الوحده بـ 850 درهم ،، يعني لو سجلتي مساق عدد ساعاته 3 ،، بيكون تكلفة المساق 2550 ،، فلو فرضنا أنج سجلتي 5 مساقات في الكورس بيكون تكلفة الكورس الواحد 12750 بس في مصاريف ثانية
مثل فلوس الكتب و الخدمات مثل الصاله الرياضية والانترنت والمواصلات إذا بتستخدمين الباص ومن هذا الكلام يعني في الكورس بحدود 15 ألف يمكن أقل ويمكن أكثر بشوي ،، وأنتي ناوية تدرسين في كلية التربية ،، وكلية التربية عندهم كلاسات مناقشة وهاي لها سعر ثاني بعد



5.شهادتهم قويه ومعترف فيها؟


شهادته معترف فيها من قبل وزارة التعليم العالي والبحث العلمي بالامارات ،، ومعترف فيها خارج الدولة بعد
يعني تقدرين اتكملين الماجستير داخل أو خارج الدولة إذا حبيتي بدون أي مشاكل
والجامعه فيها طلاب من خارج الامارات ،، فيها طلاب من سلطنة عمان و مصر و سوريا و فلسطين والاردن والسعودية والكويت وقطر والبحرين وإيران وباكستان طبعا وأكيد طلاب من الامارات ومن مختلف مناطق الدولة



يعني اناا حابه ادرس تدريس (مدرسه) للعلم:h_down:

بالنسبه للتدريس عندج أختي
بكالوريوس في التربية تخصص إعداد معلم اللغة العربية والدراسات الإسلامية.
و بكالوريوس في التربية تخصص إعداد معلم في الرياضيات والعلوم.

هذيل التخصصين إلي موجودين في فرع الفجيرة على حسب معلوماتي ،، وتقدرين تتصلين في الجامعه وتستفسرين منهم أكثر

وإذا في أي استفسار ثاني ما يردج إلا كيبوردج ،، وموفقه في دراستج إن شاء الله