المساعد الشخصي الرقمي

مشاهدة النسخة كاملة : جامعة عجماان الفرع

just smile
02-05-2011, 12:29 PM
السلام عليكم والرحمه.

اختي بتسجل فجامعة عجمان الفرع اللي بالفجيره وحبيت
اسألكم بعض الأسئلة ..

حبيت استفسر عن كلية القانون فجامعة عجمان " فرع فالفجيره "

ممكن تدرس الطالبة 3 مساقات فالكورس الواحد؟؟

هل صحيح انه دكاترة القانون متشددين مثل ماسمعنا؟؟

هل القانون صعب ؟؟

وبالنسبة للمصاريف فالكورس الواحد بالنسبة لتخصص القانون؟؟

وبالنسبة للمواصلات مجانية ولا بيزات؟؟
sand
02-05-2011, 08:24 PM
اظن يس تقدريت تدرسين 3 مساقات بالكورس

وانتي ما عليج من الااساتذة بمجهوودج بتعديين


اذا انتي تحبين الشي ما بيصعب عليج وع قوله المثل الصعوبة موجودة بكل شي والسهولة مستحيلة بكل الشي لكن انت توجد الطموح بكل شيء


تقريا الكورس ب 12 الف واذا نسبتج فوق ال 95 يسوونلج خصم 25 بالمية من الجامعة وانتي شوفي الديوان يعطون منح


والباصااات ببيزااات
فجراوي مثقـف
02-05-2011, 08:31 PM
ممكن تدرس الطالبة 3 مساقات فالكورس الواحد؟؟
إلي اعرف أنه الطالب لازم يسجل 9 ساعات على الاقل في الكورس الواحد ،، فإذا الثلاث مساقات عدد ساعاتهم 9 فـ ممكن ،، وأنا اعرف واحد من ربعي يدرس قانون في فرع الفجيرة وينزل 3 أو 4 مساقات في الكورس



هل صحيح انه دكاترة القانون متشددين مثل ماسمعنا؟؟

يختلف من دكتور لدكتور ،، مب كل الدكاتر واحد ،، ما اقدر أقولج هل كل الدكاتر متشددين أو لا
إن شاء الله الأعضاء إلي يدرسوا قانون يفيدوج بهاي المعلومة
لكن أعتقد إذا الطالب ماشي صح ،، فكل الامور بتكون اوكي
وأغلب الدكاتر في الجامعات يراعوا الطلبة ،، لكن بعض الطلاب الله يهديهم يبغوا الدكاتر بمزاجهم



هل القانون صعب ؟؟

ما في شي اسمه صعب ولا سهل ،، يعتمد على اجتهاد الطالب في دراسته
بس تخصص القانون من وجهة نظري محتاج لدراسة ومتابعه مستمره
وهذا التخصص يعتمد على الحفظ بنسبه كبيره ،، لكن يحتاج للفهم بعد


وبالنسبة للمصاريف فالكورس الواحد بالنسبة لتخصص القانون؟؟

يعتمد على كم مساق بتسجلين ،، إذا 3 مساقات بالكورس ،، يعني 7650 درهم ،، وزيدي عليهم رسوم الكتب والمواصلات وغيرها ،، تقريبا بين 9000 إلى 11 ألف ،، وممكن أكثر أو أقل


وبالنسبة للمواصلات مجانية ولا بيزات؟

إلي اعرف أنه في رسوم على المواصلات ،، بس كلمي الجامعه وسئليهم عن المواصلات والامور الثانية ،، لأنه المواصلات خاصة بالطالبات فقط



والسموحه على القصور

وإذا في أي استفسار تقدرين تراجعين إدارة القبول والتسجيل بفرع الفجيرة
دلوعه راعي القيتار
02-18-2011, 03:10 PM
ممكن تدرس الطالبة 3 مساقات فالكورس الواحد؟؟

عادي حتى لو مساقين او 3 أو 4 أو 5أو 6 .. بكيفج


هل صحيح انه دكاترة القانون متشددين مثل ماسمعنا؟؟

الدكاتره زينين الصراحه بس وااايد مصخوها الطلاب والطالبات


هل القانون صعب ؟؟


ما في شي سهل ... يعني نام بكير تصحى بكير فهمتي ادرسي اول باول



وبالنسبة للمصاريف فالكورس الواحد بالنسبة لتخصص القانون؟؟

على حسب المساقات الي بتاخذينها يعني كل مساق 2500 او 2700
و اذا بتاخذين 5 مساقات بــ 12000 او 11000 هذا غير فتح السستم يباله 3000 كل كورس


وبالنسبة للمواصلات مجانية ولا بيزات؟

بهاي الجامعه مافي شي ببلاش :fdsf: